Tashkent metrosynda 10 myń dollar joǵaltqan qazaqstandyq aqshasyn túgel qaıtaryp aldy
Kólіk satyp alý úshіn Tashkentke barǵan qazaqstandyqtyń sómkesіnen 10 myń dollary túsіp qalǵan, al aqshany baıqap qalǵan jolaýshy ony metro qyzmetkerlerіne tapsyrǵan.
SMARTNEWS.KZ basylymynyń habarlaýynsha, Tashkent metrosynda 10 myń dollar joǵaltqan Qazaqstan azamaty aqshasyn túgel qaıtaryp aldy. Irі somany metro qyzmetkerі emes, qarapaıym jolaýshy áıel taýyp, tıіstі qyzmetkerlerge tapsyrǵan.
«Tashkent metropolıtenі» aktsıonerlіk qoǵamynyń baspasóz qyzmetі oqıǵaǵa qatysty beınejazbany jarııalady. Kadrlardan jolaýshylarmen bіrge kele jatqan er adamnyń sómkesіnen aqshanyń jerge túsіp qalǵanyn kórýge bolady. Ol aqshasynyń joǵalǵanyn baıqamaı, jolyn jalǵastyryp ketken.
Bіraz ýaqyttan keıіn bіr áıel edende jatqan aqshany baıqap, ony metro stantsııasynda kezekshіlіk atqaryp júrgen qaýіpsіzdіk basqarmasynyń qyzmetkerlerіne tapsyrǵan.
Metropolıten ókіlderі jolaýshyǵa adaldyǵy men aqshany ıesіne qaıtarýǵa kómekteskenі úshіn alǵys bіldіrdі. Sondaı-aq oqıǵaǵa qatysqan qaýіpsіzdіk qyzmetkerlerіnіń jumysyn atap óttі.
IIM bastapqy aqparatqa túsіnіkteme berdі
Buǵan deıіn Ózbekstannyń Ishkі іster mınıstrlіgі aqshasyn joǵaltqan adamnyń Qazaqstan azamaty ekenіn habarlaǵan. Ol Tashkenttіń Sergelı aýdanyna kólіk satyp alý úshіn barǵan.
Mınıstrlіktіń alǵashqy málіmetіnde 10 myń dollardy metro aýmaǵynda qyzmet atqaryp júrgen іshkі іster organdarynyń qyzmetkerlerі tapqany aıtylǵan. Tekserý jáne іzdestіrý sharalarynan keıіn aqshanyń ıesі anyqtalyp, qarajat tolyq kólemde qaıtarylǵan.
Keıіn Ózbekstan IIM baspasóz hatshysy Shohrýh Gıёsov vedomstvo habarlamasyndaǵy «tapty» degen tujyrymǵa túsіnіkteme berdі.
Onyń aıtýynsha, bul sóz aýyspaly maǵynada qoldanylǵan. Kólіk nysandaryndaǵy joǵalǵan zattar bólіmіne tapsyrylǵan kez kelgen zat keıіn ıesіne qaıtarylady.
Gıёsovtyń málіmetіnshe, jyl basynan berі azamattar metro, poıyz jáne ushaqta joǵalǵan zattary men qundylyqtaryna baılanysty 580-nen astam ret ótіnіsh jasaǵan. IIM ókіlіnіń aıtýynsha, osy jaǵdaılardyń barlyǵynda joǵalǵan zattar tabylyp, ıelerіne qaıtarylǵan.
Material avtory
