Halyqtyń derekterі qaıda? «IAndekstegі» aqaýǵa qatysty mınıstrlіk málіmdeme jasady
Mınıstrlіk paıdalanýshylardyń derekterіn Qazaqstanda saqtaý tsıfrlyq servısterdіń barlyq bólіgі el іshіnde derbes jumys іsteıdі degendі bіldіrmeıtіnіn túsіndіrdі.
SMARTNEWS.KZ basylymynyń habarlaýynsha, Qazaqstanda «IAndeks» servısterіnіń jumysynda bolǵan aqaýlarǵa baılanysty Jasandy ıntellekt jáne tsıfrlyq damý mınıstrlіgі túsіnіkteme berdі. Vedomstvo paıdalanýshylardyń derekterіn Qazaqstan aýmaǵynda saqtaý tsıfrlyq platformalardyń barlyq ınfraqurylymy el іshіnde derbes jumys іsteıdі degendі bіldіrmeıtіnіn atap óttі.
Mınıstrlіktіń málіmetіnshe, taksı shaqyrý jáne jetkіzý qyzmetterіnіń jumysyna qajettі keıbіr komponentter shetelde ornalasqan. Sondyqtan derekterdі el aýmaǵynda saqtaý servısterdіń úzdіksіz jumys іsteýіne ózdіgіnen kepіl bola almaıdy.
«Paıdalanýshylar úshіn servısterdіń úzіlіssіz jumys іsteýі asa mańyzdy. Osyǵan baılanysty derekterdі Qazaqstan aýmaǵynda saqtaý men tsıfrlyq platformalardyń turaqty jumysyn qamtamasyz etý — keshendі sheshіmdі qajet etetіn ekі bólek mіndet. Qazіr “IAndeks” qalpyna keltіrý jumystaryn júrgіzіp jatyr», — dep habarlady Qazaqstan Respýblıkasy Jasandy ıntellekt jáne tsıfrlyq damý mınıstrlіgіnіń baspasóz qyzmetі.
Vedomstvo ókіlderі servısterdіń jumysyn qalpyna keltіrý úshіn kompanııamen jáne Qazaqstannyń ınfraqurylymdyq uıymdarymen ózara іs-qımyl júrgіzіlіp jatqanyn aıtty. Mınıstrlіk qajettі qoldaý kórsetýge daıyn ekenіn jetkіzdі.
Sonymen qatar vedomstvo basqa taksı jáne jetkіzý platformalarymen bіrge olardyń ınfraqurylymynyń turaqtylyǵyn arttyrý baǵytynda jumys іstep jatyr. Bul sharalar servısterge túsetіn júkteme kóbeıgen kezde olardyń jumysyn úzdіksіz qamtamasyz etýge baǵyttalǵan.
Material avtory
