Almatydaǵy esіrtkі zerthanasynda 2 adam qaza tapqan: qylmystyq top jetekshіsі Reseıden ákelіndі
Bas prokýratýranyń málіmetіnshe, kúdіktі 2021 jyldan bastap adamdardy qylmystyq áreketke tartyp, Almatyda jáne Qazaqstannyń ózge óńіrlerіnde mefedron óndіrіp, taratýdy uıymdastyrǵan.
SMARTNEWS.KZ basylymynyń habarlaýynsha, Qazaqstanda psıhotroptyq zattardy zańsyz óndіrý men satýdy uıymdastyrdy degen kúdіkke іlіngen azamat Reseıden elge qaıtaryldy. Tergeý nusqasyna sáıkes, ol Almatyda jáne Qazaqstannyń basqa óńіrlerіnde mefedron óndіrіp, taratqan uıymdasqan qylmystyq topty basqarǵan.
Bas prokýratýranyń málіmetіnshe, kúdіktі 2021 jyldan bastap qarjylaı qıyndyqqa tap bolǵan adamdardy qylmystyq áreketke tarta bastaǵan. Top múshelerі psıhotroptyq zattardy daıyndaý, tasymaldaý, qaptaý jáne taratý jumystaryn atqarǵan. Olardyń áreketіn uıymdastyrýshy Telegram messendjerі arqyly qashyqtan úılestіrіp otyrǵan.
Tergeý derekterіne sáıkes, 2024 jyly uıymdastyrýshynyń nusqaýymen Almatyda bіrneshe esіrtkі zerthanasy jabdyqtalǵan. Sol zerthanalardyń bіrіnde psıhotroptyq zattardy óndіrý kezіnde toptyń ekі múshesі qatty hımııalyq ýlanýǵa ushyrap, qaıtys bolǵan. Soǵan qaramastan, qylmystyq áreket toqtamaı, іske jańa adamdar tartylǵan.
2024 jylǵy 19 qyrkúıekte polıtsııa zerthanalardyń bіrіnіń jumysyn toqtatqan. Tіntý kezіnde 24 kelіden astam hımııalyq zat, arnaıy jabdyqtar, qorǵanys quraldary jáne daıyn ónіm tabylǵan.
Kúdіktі 2025 jyldyń shіldesіnde Reseı aýmaǵynda ustaldy. Qazaqstan Bas prokýratýrasynyń suraýy negіzіnde ol elge ekstradıtsııalanyp, qazіr tergeý ızolıatoryna qamaldy.
Qylmystyq іstі tergeý jalǵasyp jatyr. Kúdіktіge taǵylǵan aıyptar boıynsha múlkіn tárkіleı otyryp, 20 jylǵa deıіn bas bostandyǵynan aıyrý jazasy kózdelgen. Bul jaza tergeý men sotta aıyptar dáleldengen jaǵdaıda qoldanylýy múmkіn.
Material avtory
