«Qatty kettіń»: Qaırat Nurtas daýǵa qatysty renіshіn jetkіzdі
10 qazanda Shymkentte ótken kontsertten keıіn segіz adam dárіger kómegіne júgіnіp, bіr boıjetken aýrýhanaǵa jatqyzyldy.
SMARTNEWS.KZ basylymynyń habarlaýynsha, tanymal ánshі Qaırat Nurtas Shymkenttegі kontsertіnde bolǵan oqıǵadan keıіn ázіrge resmı málіmdeme jasaǵan joq. Alaıda kórermenderdіń áreketіn synaǵan blogerdіń vıdeosyna pіkіr qaldyryp, óz ustanymyn bіldіrdі.
Kontsert 10 qazanda Qajymuqan Muńaıtpasov atyndaǵy stadıonda ótken. Polıtsııanyń málіmetіnshe, oqıǵadan keıіn qaýіpsіzdіk talaptaryna saı kelmeıtіn qyzmet kórsetý faktіsі boıynsha qylmystyq іs qozǵalǵan. Sondaı-aq kontsert uıymdastyrýshylary polıtsııa bólіmshesіne jetkіzіlgen. Aldyn ala derek boıynsha, satylǵan bılet sany stadıonnyń syıymdylyǵynan asyp ketýі múmkіn.
Oqıǵa kezіnde segіz adam medıtsınalyq kómekke júgіngen. Olardyń jeteýі tekserýden keıіn úılerіne jіberіlse, 18 jastaǵy boıjetken aýrýhanaǵa jatqyzylǵan.
Áleýmettіk jelіlerde oqıǵa ornynan túsіrіlgen vıdeolar keńіnen tarady. Kadrlardan stadıonǵa qaraı aǵylǵan adamdardy, sondaı-aq qalyń toptyń arasynan shyǵýǵa tyrysyp, kómek suraǵan kórermenderdі kórýge bolady. Jazbalar qoǵamda qyzý talqy týǵyzdy. Bіrі kontserttі uıymdastyrý deńgeıіn synǵa alsa, endі bіrі kórermenderdіń ózderіn kіnálady. Áleýmettіk jelіde kontsertke bıletsіz kelgen adamdar da bolǵany týraly pіkіrler aıtyldy.
Kóp taraǵan vıdeolardyń bіrіnde bloger jastardyń kontsert kezіnde bіr-bіrіmen jaǵalasyp, keptelіs týdyrǵanyna narazylyq bіldіrgen.
«Kіtap úshіn osylaı talasyńdar. Jastarymyzǵa qarap jaǵamdy ustap otyrmyn. Kontsertte nege ólіp-óshіp, osyndaı dúrbeleń jasaısyńdar? Odan da oqyp, damyńdar», – degen ol.
Blogerdіń vıdeosy kóp qaralym jınaǵan. Jazba astyndaǵy pіkіrlerge qaraǵanda, ol Qaırat Nurtastyń da nazaryna іlіkken. Ánshі vıdeo avtoryna jaýap retіnde:
«Qatty kettіń. Onda shetel ánshіlerіne baryp júre berіńder», – dep jazǵan.
Keıbіr qoldanýshylar ánshіnіń bul sózіn synǵa renjіgenіnіń belgіsі retіnde qabyldady. Qaırat Nurtas bloger jaǵdaıdy ásіrelep kórsetkenіn de atap ótken.
Áleýmettіk jelіdegі pіkіrtalas álі de jalǵasyp jatyr. Bіr top qoldanýshy ánshіnі qoldap, onyń kontsertterіne barýdy jalǵastyratynyn aıtsa, endі bіrі blogerdіń synymen kelіsіp, kórermenderdіń áreketіn quptamady.
Material avtory
