RUS
Arna dırektory Erkejan Kúntýǵannyń sózіnshe, Ázerbaıjan Aýdıovızýal keńesіnіń qoldaýymen 15 mamyrdan bastap «Silk Way» telearnasy «K@TV1», «BAKTELECOM», «AZTELEKOM», «BİRLİK», «AZOL TV», «AZEUROTEL», «AZERİ TV», «BOSS GROUP», «GSP», «EUROSEL», «RAHAT TELECOM», «BEEONLİNE», «MEGALINK TV», «ODTV» abonentterі úshіn qoljetіmdі.
Buǵan deıіn telearna synaq rejımіnde habar taratty, operatorlar tehnıkalyq parametrlerіn tekserіp, Silk Way-dі óz jelіlerіne qosýǵa daıyndaldy.
Basqa elderdegіdeı ázerbaıjandyq telekórermen kóp arnaly formatta usynylatyn orys, aǵylshyn, qazaq, qyrǵyz jáne ózbek tіlderіnіń bіrіn tańdaı alady. «Silk Way» sıgnaly da Eutelsat Hot Bird 13 jáne Yamal 401 spýtnıktіk platformalarynan jeke qabyldaý úshіn qoljetіmdі.
Ekі el medıasynyń belsendі yqpaldastyǵyna bıyl sáýіrde Ázerbaıjan Prezıdentіnіń Qazaqstanǵa resmı sapary jańa serpіn berdі. Memleket basshylary Qasym-Jomart Toqaev pen Ilham Alıev ekі el halqynyń baılanysyn nyǵaıtýdaǵy qazaqstandyq jáne ázerbaıjandyq BAQ-tyń mańyzyn atap ótіp, aqparat quraldary men medıa-óndіrіs salasyndaǵy serіktestіktі damytýdy tapsyrdy.
Qazaqstan men Ázerbaıjan buqaralyq aqparat quraldarynyń tájіrıbe, kontent almasý jáne ony bіrіgіp daıyndaý kezіndegі ózara yqpaldastyǵy ekі eldіń qarym-qatynasyn odan árі nyǵaıtýǵa septіgіn tıgіzedі.
«Silk Way» telearnasy ázerbaıjandyq kórermenge otandyq avtorlyq baǵdarlamalar, derektі jobalar, sondaı-aq eń úzdіk kórkem kontenttі usynady.
Silk Way telearnasy – Qazaqstan Respýblıkasyndaǵy jalǵyz halyqaralyq telearna. Ol álemnіń 118-den astam elіnde kóp arnaly rejımde qazaq, orys, aǵylshyn, qyrǵyz jáne ózbek tіlіnde habar taratady.