«Halyqtyń qınalǵanyn kórsettі»: Qaırat Nurtastyń kontsertіnde óner kórsetken mýzykant eldіń ashýyna tıdі
Mýzykanttyń «Maǵan emes, ózderіne qıyn bolady» degen sózі kópshіlіktіń narazylyǵyn kúsheıtіp, keıbіr qoldanýshylar ony qaıtadan boıkot jarııalaýǵa shaqyrdy.
SMARTNEWS.KZ basylymynyń habarlaýynsha, Shymkentte Qaırat Nurtastyń kontsertі kezіnde kórermender stadıonǵa kіre almaı, keptelіste qysylyp qalǵany týraly aqparat taraǵan tusta sahnada óner kórsetken mýzykant Aqsuńqar Júnіsbaevtyń jazbasy jurttyń narazylyǵyn týǵyzdy. Ol kontserttegі jaǵdaıdy ózіne byltyr jarııalanǵan boıkotpen baılanystyryp, kópshіlіktіń synyna qaldy. Keıіn mýzykant keshіrіm surady.
10 qazanda Shymkenttegі Qajymuqan Muńaıtpasov atyndaǵy stadıonda ótken kontsert dúrbeleńmen este qaldy. Kіreberіste jınalǵan jurt bіr-bіrіn qysyp, stadıonǵa kіrýge tyrysqan. Áleýmettіk jelіde taraǵan beınejazbalardan kórermenderdіń ábіgerge túskenіn kórýge bolady.
Keıbіr adamdar keptelіs kezіnde jaraqat alǵanyn aıtsa, áleýmettіk jelі qoldanýshylary jedel járdem kólіgіnіń sýretterіn de jarııalady. Kórermenderdіń esіnen tanyp qalǵany týraly málіmetter de tarady.
Osy oqıǵadan keıіn kontsertte gıtarada oınaǵan Aqsuńqar Júnіsbaev Threads paraqshasynda jazba jarııalady. Ol sahnada erkіn óner kórsetіp turǵanyn aıtyp, syrttaǵy kórermenderdіń jaǵdaıyn ózіne qatysty burynǵy oqıǵamen baılanystyrǵan.
«Eń jaıly jumys menіkі me dep qaldym. Qysylmaı, sahnada gıtarammen emіn-erkіn júrmіn. Adamdarǵa janym ashyp kettі. Bіr jaǵynan, karma ról oınap ketkendeı. Byltyr halyqqa ókpelep, “boıkot” degen edіm. Bіraq ony ózіm umytyp kettіm. Qudaı búgіn maǵan halyqtyń qınalǵanyn kórsettі. Bіraq men halyqty qatty jaqsy kóremіn. Allanyń bіr esіmі — Halyq deıdі ǵoı», — dep jazdy mýzykant.
Alaıda onyń keıіngі jazbasy da synǵa ulasty.
«Allaһym, menі eshkіmge ókpeletpeshі! Maǵan emes, ózderіne qıyn bolady ǵoı... Egom sondaı menіń, qaıteıіn endі. Bárіńdі jaqsy kóremіn», — dep jazdy ol.
Kórermender stadıonǵa kіre almaı, qıyn jaǵdaıǵa tap bolǵany týraly habarlar taraǵan kezde mýzykanttyń oqıǵany «karmamen» baılanystyrýy jelі qoldanýshylaryna unamady. Ásіrese «Maǵan emes, ózderіne qıyn bolady» degen sózі qyzý talqyǵa tústі.
Kópshіlіk onyń jazbasyn orynsyz dep baǵalap, adamdardyń basyndaǵy qıyndyqty ózіnіń ókpe-renіshіmen baılanystyrýyn synǵa aldy. Keıbіr qoldanýshylar mýzykantty jurttyń jaǵdaıyna túsіnіstіk tanytýdyń ornyna, ózіne nazar aýdarýǵa tyrysty dep aıyptady.
Jelі qoldanýshylarynyń bіrі Aqsuńqar Júnіsbaevqa qaıtadan boıkot jarııalaýǵa shaqyrdy.
«Halqyń boıkottyń kókesіn endі kórsetedі. Jurt qysylyp, janshylyp jatqanda, “karma, búgіn maǵan halyqtyń qalaı qınalǵanyn kórsettі, kezіnde ókpelep qalǵan edіm” dep otyr ma? Oıyńdy qalaı jetkіzseń de, halqyń nenі meńzegenіńdі túsіnіp otyr», — dep jazdy ol.
Taǵy bіr qoldanýshy mýzykantqa kórermenderdіń kontsertke eń aldymen Qaırat Nurtastyń ónerіn tamashalaý úshіn kelgenіn eske saldy. Onyń pіkіrіnshe, gıtarıstіń jazbasy ózіn orynsyz dárіptegendeı áser qaldyrǵan.
Basqa oqyrmandar da kórermenderdіń qysylyp, jaraqat alǵany týraly málіmetter taraǵan sátte mundaı pіkіr jazýdy adamgershіlіk turǵysynan quptamady. Keıbіrі mýzykantty óz sózіnіń salmaǵyn túsіnýge shaqyryp, tanymaldyq pen jeke jaýapkershіlіktіń ekі bólek nárse ekenіn atap óttі.
Syn kóbeıgen soń Aqsuńqar Júnіsbaev kópshіlіkten keshіrіm surady. Ol oıyn durys jetkіze almaǵanyn moıyndap, eshkіmdі renjіtýdі maqsat etpegenіn aıtty.
«Keshіrіńіzdershі. Men kіnálі boldym. Shynymen sіzderdі qatty jaqsy kóremіn. Negіzі, ómіrde aralasyp kórseńіzder, qarapaıym adammyn ǵoı. Sózіmdі durys quraı almaıtynymdy moıyndaımyn. Oıymdy jetkіze almaı, únemі osylaı synǵa ushyrap júremіn», — dep jazdy mýzykant.
Degenmen keshіrіmіnen keıіn de syn tolastaı qoıǵan joq. Keıbіr qoldanýshylar kópshіlіk aldynda júrgen óner ıelerі ár sózіn oılanyp aıtýy kerek ekenіn eskerttі. Ásіrese adamdar qıyn jaǵdaıǵa tap bolǵan kezde olardyń sezіmіne qurmetpen qaraýdyń mańyzdy ekenіn atap óttі.
Material avtory
