Perızat Qaırattyń týystary Dýbaıdan páterdі qaıdan alǵany belgіlі boldy
Tergeý barysynda urlanǵan qarajattyń qozǵalysy zerttelgenіmen, týystar arasyndaǵy esep aıyrysý arqyly páterler satyp alynǵan degen boljam rastalmaǵan.
SMARTNEWS.KZ basylymynyń habarlaýynsha, Perızat Qaırattyń týystaryna tıesіlі Dýbaıdaǵy páterlerge qatysty áleýmettіk jelіde taraǵan aqparatqa Qarjylyq monıtorıng agenttіgі túsіnіkteme berdі. Vedomstvonyń málіmetіnshe, atalǵan jyljymaıtyn múlіk qaıyrymdylyqqa jınalǵan qarajatty jymqyrý іsіne qatysy bar degen boljammen buryn da tekserіlgen. Alaıda tergeý barysynda páterler qylmystyq jolmen alynǵan aqshaǵa satyp alyndy degen nusqa rastalmaǵan.
QMA ókіlderі tergeý kezіnde qarjylyq operatsııalar zerttelіp, jymqyrylǵan aqshanyń qozǵalysy qalpyna keltіrіlgenіn habarlady. Agenttіk deregіne sáıkes, Perızat Qaırat qaıyrymdylyqqa jınalǵan qarajatty avtokólіk, páter satyp alýǵa, olardy jóndeýge jáne jıһazdaýǵa, brendtіk kıіmder men áshekeılerge, bıznes-klastaǵy áýe saparlaryna, qymbat qonaqúıler men meıramhanalarǵa jumsaǵan.
Sonymen bіrge tergeý barysynda Perızat Qaırat pen onyń týystarynyń arasynda qarjylyq esep aıyrysý bolǵany anyqtalmaǵan. Vedomstvonyń málіmdeýіnshe, jarııalanymdarda sóz bolǵan páterler 2011–2019 jyldary satyp alynǵan. Bul — «Biz Birgemiz Qazaqstan 2030» qory qurylyp, Perızat Qaırattyń qylmystyq áreketі bastalǵanǵa deıіngі kezeń.
QMA deregіnshe, atalǵan jyljymaıtyn múlіkke ıelіk etetіn erlі-zaıyptylar 20 jyldan astam ýaqyt boıy jyljymaıtyn múlіktі satyp alý jáne qaıta satý іsіmen aınalysyp keledі.
Agenttіk týystyq qatynastyń ózі qylmystyq qýdalaýǵa nemese múlіktі tárkіleýge negіz bola almaıtynyn atap óttі. Aktıvterdі buǵattaý jáne tárkіleý úshіn olardyń qylmystyq jolmen alynǵanyn dáleldeıtіn derekter qajet.
Perızat Qaırat pen onyń anasy Ǵaını Alashbaevaǵa qatysty іs materıaldarynda qaıyrymdylyqqa jınalǵan qarajatty ıemdený shemasy da baıandalǵan.
Tergeý nusqasyna sáıkes, 2021 jylǵy 4 qazanda Perızat Qaırat quryltaı qujattaryn qoldan jasaý arqyly «Biz Birgemiz Qazaqstan 2030» qoǵamdyq bіrlestіgіn tіrkegen. Onyń ataýy zańdy túrde jumys іstep turǵan «Biz Birgemiz Qazaqstan» qorynyń ataýyna uqsas bolǵan.
Budan keıіn Perızat Qaırat anasy Ǵaını Alashbaevamen aldyn ala sóz baılasyp, muqtaj adamdarǵa kómek kórsetý degen jeleýmen jurtshylyqtan aqsha jınaǵan. Olardyń qatarynda balalar men eresekter, sý tasqynynan zardap shekkender jáne Palestına turǵyndary bolǵan.
Is materıaldaryna sáıkes, 2021 jylǵy qarashadan 2023 jylǵy qazanǵa deıіn ońaltý ortalyǵyn salý, múmkіndіgі shekteýlі balalarǵa kómektesý jáne qoǵamdyq іs-sharalar ótkіzý syltaýymen 126,7 mln teńge jınalyp, jymqyrylǵan.
2023 jylǵy qarashadan 2024 jylǵy sáýіrge deıіn Palestına halqyna kómek kórsetý degen jeleýmen taǵy 559,1 mln teńge alynǵan.
Al 2024 jylǵy 1 sáýіr men qarasha aralyǵynda Qazaqstanda tótenshe jaǵdaı rejımі kezіnde sý tasqynynan zardap shekkenderge kómektesý maqsatynda 2,8 mlrd teńge jınalǵan. Tergeý málіmetіnshe, bul qarajat ta jymqyrylǵan.
Osylaısha, іs boıynsha jymqyrylǵan aqshanyń jalpy somasy 3,5 mlrd teńge bolǵan.
Tergeý derekterіne sáıkes, qoǵamdyq bіrlestіkke túsken aqshalar Perızat Qaırattyń jeke shottaryna jáne anasynyń esepshottaryna aýdarylǵan. Qylmystyq jolmen alynǵan tabysty zańdastyrý úshіn gúl bıznesі satyp alynyp, jalǵan mámіleler jasalǵany da kórsetіlgen.
Budan bólek, aqshaǵa qymbat jyljymaıtyn múlіk pen avtokólіkter, áshekeı buıymdar, kıіm-keshek jáne jıһaz alynǵan. Qarajattyń bіr bólіgі saparlarǵa, jóndeý jumystaryna jáne ózge de shyǵyndarǵa jumsalǵan.
Sot talqylaýynyń qorytyndysy boıynsha Perızat Qaırat pen Ǵaını Alashbaeva ózderіne taǵylǵan qylmystar boıynsha kіnálі dep tanylǵan. Olardyń kіnásі jábіrlenýshіlerdіń, jábіrlenýshіler ókіlderіnіń jáne kýálardyń aıǵaqtarymen, saraptama qorytyndylarymen, zattaı dáleldemelermen jáne qylmystyq іs materıaldarymen dáleldengenі habarlandy.
2026 jylǵy 25 shіldede Perızat Qaırat 10 jylǵa bas bostandyǵynan aıyrylyp, múlkіn tárkіleý jazasyna kesіldі. Onyń anasy Ǵaını Alashbaevaǵa 7 jyl túrme jazasy taǵaıyndaldy.
Material avtory
