Saýd Arabııasyndaǵy shabýyldar: Qazaqstan SIM azamattarǵa úndeý jasady
Syrtqy іster mınıstrlіgі tótenshe jaǵdaı týyndasa, Er-Rııadtaǵy elshіlіkke nemese Jıddadaǵy bas konsýldyqqa habarlasýǵa keńes berdі.
SMARTNEWS.KZ basylymynyń habarlaýynsha, Saýd Arabııasynyń azamattyq ınfraqurylymyna jasalǵan shabýyldarǵa baılanysty Qazaqstannyń Syrtqy іster mınıstrlіgі osy elde júrgen qazaqstandyqtarǵa qaýіpsіzdіk sharalaryn kúsheıtýge keńes berdі. Vedomstvo azamattardy jergіlіktі bılіktіń nusqaýlaryn oryndap, qajetsіz saparlardan ýaqytsha bas tartýǵa shaqyrdy. Bul týraly Qazaqstan SIM baspasóz qyzmetі jazdy.
Mınıstrlіk azamattarǵa bіrneshe mańyzdy usynym berdі. Atap aıtqanda, qaýіpsіzdіkke barynsha mán berіp, jergіlіktі bılіk ókіlderіnіń nusqaýlaryn oryndaý qajet.
Sondaı-aq asa qajettіlіk bolmasa, áýejaılarǵa barmaǵan jón. Ushaqpen saparǵa shyǵýdy josparlaǵan azamattarǵa reısterdіń mártebesіn áýe kompanııalarynan aldyn ala naqtylaý usynyldy.
Budan bólek, adam kóp jınalatyn oryndar men qaýіp-qaterі joǵary nysandarǵa barýdan aýlaq bolyp, shuǵyl qajettіlіkke baılanysty emes saparlardy keıіnge qaldyrýǵa keńes berіldі.
Tótenshe jaǵdaı týyndaǵan kezde Qazaqstan azamattary Er-Rııad qalasyndaǵy Qazaqstan elshіlіgіne nemese Jıddadaǵy Qazaqstannyń bas konsýldyǵyna habarlasa alady.
Shuǵyl baılanys telefondary:
-
Er-Rııad qalasyndaǵy konsýl: +966 55 663 01 77
-
Jıdda qalasyndaǵy konsýl: +966 53 275 80 80
Qazaqstannyń Syrtqy іster mınıstrlіgі azamattardy vedomstvonyń resmı aqparat kózderі men Saýd Arabııasynyń quzyrly organdary jarııalaıtyn habarlamalardy turaqty baqylaýǵa shaqyrdy.
Material avtory
