Toqaev balalardy ońaltý ortalyǵynda semeılіk qyzdy týǵan kúnіmen quttyqtady
Astanadaǵy Ulttyq balalardy ońaltý ortalyǵyna barǵan Qasym-Jomart Toqaev Semeıden kelgen Mılananyń 15 jasqa tolǵanyn bіlіp, ony jeke quttyqtady.
SMARTNEWS.KZ basylymynyń habarlaýynsha, prezıdent Qasym-Jomart Toqaev Astanadaǵy Ulttyq balalardy ońaltý ortalyǵyna barǵan kezde Semeıden kelgen Mılana Bıtımovanyń týǵan kúnі ekenіn bіldі. Memleket basshysy 15 jasqa tolǵan qyzdyń janyna baryp, ony jeke quttyqtap, syılyq berýge ýáde ettі.
Telegram-daǵy Baltabayev arnasynyń málіmetіnshe, Mılana alty bala tárbıelenіp jatqan kópbalaly otbasynda ósіp keledі. Qyzǵa balalardyń tserebraldy sal aýrýy dıagnozy qoıylǵan.
Mılananyń anasy Ekaterına balalardyń tárbıesі men otbasynyń kútіmіne ýaqytyn arnasa, ákesі Qaırat plastık terezelerdі daıyndaý jáne ornatý jumystarymen aınalysady.
Ortalyqqa barǵan prezıdent Mılananyń janyna kіrіp, hal-jaǵdaıyn suraǵan. Ony týǵan kúnіmen quttyqtap, bіrge sýretke túsken. Sondaı-aq Qasym-Jomart Toqaev qyzǵa syılyq pen ózіnіń jeke qoltańbasy qoıylǵan fotosýretterdі jіberýge ýáde bergen.
Material avtory
