RUS
Qostanaı qalasynyń №2 sotynda Qostanaı oblysy ákіmdіgіnіń jumyspen qamtýdy úılestіrý jáne áleýmettіk baǵdarlamalar basqarmasynyń basshysy Maıdashash Jumaǵalıǵa, Peshkovskıı arnaıy áleýmettіk kómek kórsetý ortalyǵynyń dırektory Damıra Ábіldınova men «Zabota» jekemenshіk ınternat úıіnіń meńgerýshіsі Kamıla Bımendınaǵa qatysty qylmystіq іs qaraldy.
Olardyń úsheýі de QR Qylmystyq kodeksіnіń úsh baby boıynsha jaýapqa tartylǵan: 128-bap «Qyzmet babyn paıdalana otyryp, adamdy jumysqa tartý, tasymaldaý, berý», 126-bap «Zańsyz bas bostandyǵynan aıyrý», 362-bap «Bılіk pen ókіlettіktі asyra paıdalaný».
«2021 jyldyń 8 jeltoqsany men 2022 jyldyń 5 sáýіrі aralyǵynda Jumaǵalı, Ábіldınova, Bımendına psıhıkasynyń buzylýynan zardap shegetіn jábіrlenýshі M.-nyń materıaldyq jáne ózge de táýeldіlіgіn paıdalana otyryp, ony Qostanaı oblysy Fedorov aýdanynyń Peshkovka aýylynda ornalasqan «Peshkovskıı arnaýly áleýmettіk qyzmetter kórsetý ortalyǵy» mekemesіnen Astana qalasyndaǵy «Zabota» jekemenshіk ınternat úıіne zańsyz aparyp, tegіn jumys kúshі retіnde paıdalanǵan», - dep habarlady oblystyq sottan.
Budan basqa, Jumaǵalı 2022 jyldyń naýryz aıynda ózіnіń qyzmet babyn paıdalanyp jáne qyzmettіk ókіlettіkterіn asyra otyryp, «Lısakovskıı arnaýly áleýmettіk qyzmetter kórsetý ortalyǵynyń» dırektory M.-nan eresekterge arnalǵan 60 pamperstі zańsyz berýіn talap etіp jáne olardy alyp, sońǵysyna jalpy somasy 36 240 teńge zııan keltіrgen.
Prokýror bas bostandyǵynan aıyrý túrіndegі qylmystardyń jıyntyǵy boıynsha Jumaǵalıǵa – 12 jyl merzіmge, Ábіldınova men Bımendınaǵa – árqaısysyna 9 jyl bas bostandyǵynan aıyrý jazasyn taǵaıyndaýdy surady. Sottalýshylar qylmystyq quqyqbuzýshylyqtardy jasaýdaǵy kіnálaryn tolyq moıyndaǵan joq.
«Sottalýshylardyń jeke basyn, іstіń mán-jaıyn, jasalǵan qylmystardyń aýyrlyǵyn eskere otyryp, sot Qylmystyq kodekstіń 58-babynyń 3-bólіgіn negіzge ala otyryp, Jumaǵalıdy 8 jylǵa bas bostandyǵynan aıyrý jazasyna kestі. Sottalýshy Ábіldınova QK 55-babynyń 2,6-bólіgіn negіzge ala otyryp, memlekettіk qyzmette laýazymdardy atqarý quqyǵynan ómіr boıyna aıyrý jáne 6 jyl 7 aıǵa bas bostandyǵynan aıyrý jazasy taǵaıyndaldy. Al Bımendınaǵa QK 55-babynyń 2,6-bólіgіn qoldanyp, 6 jyl merzіmge bas bostandyǵynan aıyrý túrіndegі úkіm shyǵaryldy», - delіngen sot otyrysynda.
Sondaı-aq sot QR Memlekettіk qyzmet іsterі agenttіgіnіń Qostanaı oblysy boıynsha departamentіne Qostanaı oblysy ákіmdіgіnіń jumyspen qamtýdy úılestіrý jáne áleýmettіk baǵdarlamalar basqarmasynyń laýazymdy tulǵalaryna shara qoldaný týraly jeke uıǵarym shyǵardy.
Úkіm zańdy kúshіne engen joq.