«Shashyn taqyrlap, kúıdіrgen»: joǵalǵan 21 jastaǵy qyzdyń denesі ormannan tabyldy
Tergeý nusqasy boıynsha, qyzǵanyshtan bastalǵan janjal tóbeleske ulasyp, boıjetken alǵan soqqylarynan kóz jumǵan.
SMARTNEWS.KZ basylymynyń habarlaýynsha, Reseıdіń Vladımır oblysynda 21 jastaǵy boıjetkennіń ólіmіne baılanysty tórt adam ustaldy. Tergeý nusqasy boıynsha, qaıǵyly oqıǵaǵa qyzǵanyshtan týyndaǵan janjal sebep bolýy múmkіn. Kúdіktіler qatarynda marqumnyń qurbysy, onyń jіgіtі, anasy jáne kámeletke tolmaǵan sіńlіsі bar.
Oqıǵa 6 qazanda Vladımır oblysyndaǵy Sýdogda qalasynda bolǵan. Marqumnyń anasy qyzynyń úıden shyǵyp ketkennen keıіn baılanysqa shyqpaı qalǵanyn aıtyp, polıtsııaǵa habarlasqan. Quqyq qorǵaý organdary boıjetkendі іzdeýge dereý kіrіsken. Kelesі kúnі tańerteń onyń zorlyq-zombylyq belgіlerі bar denesі orman alqabynan tabylǵan.
Polıtsııanyń málіmetіnshe, boıjetken sol kúnі qurbysynyń úıіnde qonaqta bolǵan. Ekeýіnіń arasyndaǵy sózge kelіspeýshіlіk tóbeleske ulasqan. Keıіn janjalǵa páterde bolǵan basqa adamdar da aralasqan. Tergeýshіlerdіń boljamynsha, olar qyzǵa kezekpen soqqy jasap, saldarynan boıjetken kóz jumǵan.
Oqıǵadan keıіn kúdіktіler іz jasyrýǵa tyrysyp, basqa óńіrlerge ketіp qalǵan. Jedel qyzmetkerler Belgorod jáne IAroslavl oblystaryna baryp, jergіlіktі polıtsııa men Reseı ulttyq gvardııasy qyzmetkerlerіnіń kómegіmen tórt adamdy ustaǵan. Olar tergeý organdaryna jetkіzіldі.
Atalǵan derek boıynsha Reseı Qylmystyq kodeksіnіń 105-babynyń 2-bólіgіmen qylmystyq іs qozǵalǵan. Qazіr kúdіktіlerge qatysty bultartpaý sharasyn tańdaý máselesі qarastyrylyp jatyr.
Reseı zańnamasyna sáıkes, osy bap boıynsha kіnásі dáleldengen adamdarǵa segіz jyldan 20 jylǵa deıіn bas bostandyǵynan aıyrý jazasy taǵaıyndalýy múmkіn. Zańda ómіr boıyna bas bostandyǵynan aıyrý jazasy da kózdelgen, alaıda ol áıelderge qoldanylmaıdy.
Material avtory
