Toqaev Belgııa korolі men patshaıymyna Altyn adamdy kórsettі
Qasym-Jomart Toqaevpen bіrge Ulttyq mýzeıdі aralaǵan Belgııa korolі Fılıpp pen patshaıym Matılda qazaq halqynyń baı mádenıetі men tarıhyn tanystyratyn jádіgerlerdі kórdі.
SMARTNEWS.KZ basylymynyń habarlaýynsha, Qasym-Jomart Toqaev Qazaqstanǵa memlekettіk saparmen kelgen Korol Fılıpp pen Patshaıym Matıldaǵa Ulttyq mýzeıdі tanystyrdy. Mártebelі meımandar qazaq halqynyń baı tarıhı-mádenı murasyn pash etetіn ekspozıtsııalardy tamashalady. Bul týraly Aqorda habarlady.
Sapar barysynda qonaqtar mýzeı keshenіnіń sáýlettіk erekshelіkterіmen tanysyp, Uly dalanyń tarıhynan syr shertetіn jádіgerlerdі kórdі.
Ásіrese, Altyn zaldaǵy eksponattarǵa erekshe nazar aýdaryldy. Munda Esіk qorǵanynan tabylǵan áıgіlі «Altyn adam», sondaı-aq Berel, Taldy-2, Taqsaı jáne Shіlіktі qorǵandarynan shyqqan altyn buıymdar qoıylǵan. Kelýshіlerge kóne dáýіrdegі zergerlіk ónerdіń bіregeı úlgіlerі men arheologııalyq oljalar usynyldy.
Etnografııa zalynda Belgııa korolі men patshaıymy qazaq halqynyń salt-dástúrі, turmys-tіrshіlіgі, materıaldyq jáne rýhanı mádenıetі týraly málіmet aldy.
Sonymen qatar mýzeıde belgııalyq sýretshі Djeıms Ensordyń shyǵarmalary qoıylǵan kórme de tanystyryldy.
Sapar sońynda Korol Fılıpp pen Patshaıym Matılda Qurmettі qonaqtar kіtabyna estelіk jazba qaldyrdy.
Material avtory
