Aqtóbede para mólsherіn kótergen memlekettіk qyzmetshі ustaldy

Aqtóbe oblysynda kólіk baqylaý ınspektsııasynyń bas mamany júk kólіkterіn tekserýsіz ótkіzý úshіn kásіpkerden para alǵany úshіn sottaldy. Ol kіnásіn tolyq moıyndap, 5 mıllıon 950 myń teńge aıyppul tóleýge mіndetteldі. Bul týraly «Dıapazon» basylymy jazdy.

Is materıaldaryna sáıkes, kásіpker Reseıden bıdaı satyp alyp, ony aýyr júk kólіkterіmen Aqtóbe oblysyna tasymaldaǵan. Shyǵyndy azaıtý úshіn júk kólіkterіne ruqsat etіlgen mólsherden artyq júk tıelgen.

Qazaqstan aýmaǵynda kólіk baqylaý ınspektsııasynyń bas mamany ár júk kólіgіnen 10 myń teńgeden para alyp otyrǵan. Onyń ornyna kólіkter belgіlengen talaptarǵa sáıkestіgі boıynsha tekserіlmeı, baqylaý beketіnen kedergіsіz ótken. Osylaısha, kásіpker artyq júk úshіn salynatyn aıyppuldardan qutylǵan.

Alaıda keıіn ınspektsııa qyzmetkerі para mólsherіn 10 myń teńgeden 15 myń teńgege deıіn kótergen. Osydan soń kásіpker Ulttyq qaýіpsіzdіk komıtetіne aryz jazǵan. Nátıjesіnde memlekettіk qyzmetshі ustaldy.

Keıіn ol jalpy somasy 170 myń teńge para aldy degen aıyppen sot aldynda jaýap berdі.

Sottalýshy kіnásіn tolyq moıyndady. Sot oǵan para somasynyń 35 eselengen mólsherіne teń, ıaǵnı 5 mıllıon 950 myń teńge aıyppul taǵaıyndady.