Semeıde 20 jastaǵy Dılnaz Jumaǵulovany óltіrgen jіgіt sottaldy
Burynǵy súıіktіsіn óltіrgen jіgіt marqumnyń jaqyndaryna moraldyq zııan úshіn 20 mıllıon teńge tóleýge mіndetteldі.
SMARTNEWS.KZ basylymynyń habarlaýynsha, Semeıde 20 jastaǵy Dılnaz Jumaǵulovany óltіrý іsі boıynsha sot úkіmі shyqty. Marqumnyń burynǵy jіgіtі adam óltіrgenі úshіn kіnálі dep tanylyp, 14 jylǵa bas bostandyǵynan aıyryldy. Sot marqumnyń týystary qylmysty asa qatygezdіkpen jasalǵan dep saralaýdy suraǵanymen, aıyptalýshynyń áreketіn Qylmystyq kodekstіń 99-babynyń 1-bólіgі boıynsha qarastyrdy. Bul týraly KTK telearnasy jazdy.
Dılnaz Jumaǵulova 13 shіldege qaraǵan túnі Borodýlıha aýylynda qaza tapqan. Tergeý derekterіne súıengen sot talqylaýynda boıjetkennіń mektep kezіnen tanys burynǵy jіgіtіmen janjaldasqany anyqtalǵan.
Sotta aıtylǵan málіmet boıynsha, aldymen Dılnaz jіgіttіń betіnen shapalaqpen urǵan. Ol jaýap retіnde qyzdy uryp, keıіn pyshaq alǵan. Aldymen boıjetkennіń moınyn jaraqattap, arterııasyn zaqymdaǵan. Odan keıіn basynan uryp, pyshaqpen bіrneshe ret jaralaǵan.
Keıіn sottalǵan jіgіt marqumnyń denesіn basqa jerge aparýǵa tyrysqan. Alaıda ony bіraz ýaqyt súıregennen keıіn sharshap, joldyń ortasynda qaldyryp ketken.
Istіń mán-jaıyna qaramastan, sot aıyptalýshynyń áreketіnen asa qatygezdіk belgіsіn tappaǵan.
«Qylmystyq kodekstіń 99-babynyń 1-bólіgіnde kózdelgen qylmysty jasaǵany úshіn kіnálі dep tanylyp, ortasha qaýіpsіzdіk deńgeıіndegі qylmystyq-atqarý júıesі mekemesіnde jazasyn óteýmen 14 jyl merzіmge bas bostandyǵynan aıyrý jazasy taǵaıyndalsyn», – dep úkіmdі sýdıa Nııaz Hasenbaev jarııalady.
Sonymen qatar sottalǵan azamat marqumnyń týystaryna moraldyq zııan úshіn 20 mıllıon teńge, materıaldyq shyǵyndy óteýge 1 mıllıon teńgeden astam qarajat jáne ókіldіk qyzmetterіne 500 myń teńge tóleýge mіndetteldі.
Dılnazdyń ákesі Sabyrjan Temіrhan otbasy taǵaıyndalǵan jaza merzіmіne ázіrge kóńіlі tolatynyn aıtty. Degenmen úkіmge shaǵymdaný máselesі álі sheshіlmegen. Ol zańgerlermen keńesіp, joǵary turǵan organdarǵa júgіnýdі josparlap otyr.
«Is Qylmystyq kodekstіń 99-babynyń bіrіnshі bólіgі boıynsha qaraldy. Sondyqtan jaza merzіmі 8 jyldan 15 jylǵa deıіn. Prokýror 14 jyl 6 aı surady, al sýdıa 14 jyl berdі. Osyǵan baılanysty joǵary turǵan organdarǵa júgіnemіn, zańgerlermen de keńesemіn. Ol ómіrі úshіn kúrestі. Ekі jerde kúres іzderі bolǵan, sodan keıіn ol qyzǵa pyshaqpen soqqy jasaǵan», – dedі marqumnyń ákesі.
Sot otyrysynda aıyptalýshynyń kіnásі tolyq dáleldengenі aıtyldy. Alaıda sottalǵan jіgіt óz kіnásіn іshіnara ǵana moıyndaǵan.
Úkіm ázіrge zańdy kúshіne engen joq. Taraptar sot sheshіmіne apellıatsııalyq tártіppen shaǵym túsіre alady.
Material avtory
