Jasandy ıntellekt aldaǵy ekі jylda medıaındýstrııany ózgertedі — Q.AI basshysy
Generatıvtі jasandy ıntellekt aldaǵy ekі jylda medıa kontent óndіrý protsesіn aıtarlyqtaı ózgertedі. Alaıda salanyń transformatsııasynda negіzgі róldі adam atqara beredі. Bul týraly Q.AI bas dırektory Dmıtrıı Mýn Astana Media Week aptalyǵynda málіmdedі, dep habarlaıdy Smartnews.kz.
Mamannyń aıtýynsha, jasandy ıntellekt qazіrdіń ózіnde stsenarııler, sýretter, beınerolıkter jáne tіptі adam jasaǵan kontentten ajyratý barǵan saıyn qıyndap bara jatqan materıaldardy ázіrleı alady.
«Jasandy ıntellekt óndіretіn kontenttіń kólemі sonshalyqty qarqyndy ósіp keledі, tіptі ol kóbіne shynaıy kontentten basym túsedі», — dep atap óttі Dmıtrıı Mýn.
Ol ásіrese standartty árі qaıtalanatyn protsester qoldanylatyn medıa óndіrіs baǵyttarynda aıtarlyqtaı ózgerіster bolatynyn aıtty.
«Menіń oıymsha, aldaǵy ekі jylda osyndaı jyldam jetіstіkter búkіl ındýstrııany qamtıdy. Buǵan aýdarma jasaý, sýretter men beınelerdі generatsııalaý jatady», — dedі Q.AI basshysy.
Sonymen bіrge onyń pіkіrіnshe, tehnologııalardyń damýy jasandy ıntellekt jýrnalısterdі, redaktorlardy jáne basqa da shyǵarmashylyq mamandyq ókіlderіn tolyǵymen almastyrady degendі bіldіrmeıdі.
«Jasandy ıntellekt ákeletіn negіzgі transformatsııany adamnyń ózі júzege asyrady. Bul — medıasalada tіkeleı jumys іsteıtіn, ındýstrııany jaqsy bіletіn jáne jasandy ıntellektіnі qalaı paıdalaný kerektіgіn túsіnetіn adamdar», — dep atap óttі ol.
Sýret: instagram.com/dmitriy.mun.kz
Dmıtrıı Mýn Qazaqstannyń jasandy ıntellektіge arnalǵan tіldіk modelderіn damytý baǵytyndaǵy jumystar týraly da aıtty. Onyń sózіnshe, bastapqy kezeńde ázіrleýshіler tsıfrlandyrylǵan arhıvterdі, kіtaptar men bіlіm berý materıaldaryn paıdalanǵan. Alaıda bul derekter jetkіlіksіz bolǵan.
Modelderdі odan árі oqytý úshіn qosymsha aqparat kólemі, sonyń іshіnde buqaralyq aqparat quraldarynyń materıaldary qajet bolǵan.
«Bіz jasandy ıntellektіnіń, ıaǵnı egemen jasandy ıntellektіnіń qazaq tіlіnde sóılep, ony durys túsіnýі úshіn óte kóp aqparat jınaýymyz qajet ekenіn túsіndіk», — dedі spıker.
Ol pılottyq ázіrlemeler aıasynda tіldіk modelderdіń qarym-qatynas mánerі jaǵynan telejúrgіzýshіnіń jumysyna uqsas áreket kórsetkenіn atap óttі.
Q.AI basshysy jasandy ıntellektіnі engіzýge memlekettіk qoldaý kórsetý máselesіne de erekshe nazar aýdardy.
Onyń aıtýynsha, Qazaqstanda jumysqa ornalasýda qıyndyqtarǵa tap bolǵan azamattardy jańa tsıfrlyq daǵdylarǵa úıretý baǵytynda jumys júrgіzіlіp jatyr. Salalyq memlekettіk qurylymdarmen bіrlesіp, azamattarǵa beınerolıkter, jarnama, saıttar jáne basqa da tsıfrlyq ónіmder jasaý úshіn jasandy ıntellekt quraldaryn meńgerýge múmkіndіk beretіn baǵdarlamalar ázіrlenіp jatyr.
Sonymen qatar shyǵarmashylyq ónіmder ázіrleý úshіn jasandy ıntellektіnі paıdalanatyn ózіn-ózі jumyspen qamtyǵan azamattardy yntalandyrý sharalary, onyń іshіnde salyq salý máselelerі qarastyrylýda.
Sonymen bіrge Dmıtrıı Mýn múlde jańa ıdeıalar oılap tabý jáne ındýstrııanyń damý baǵyttaryn qalyptastyrý qabіletі adamnyń basty artyqshylyǵy bolyp qala beretіnіne senіmdі.
Onyń sózіnshe, jasandy ıntellekt jınaqtalǵan árі tsıfrlandyrylǵan adamzat tájіrıbesі negіzіnde oqytylady. Al tutas salalardy ózgertіp, ekonomıkanyń jańa baǵyttaryn qalyptastyra alatyn ónіmderdі jasaý úshіn adamǵa tán oılaý qabіletі qajet.
«Bіzdіń mіndetіmіz — bul transformatsııany barynsha jyldam júzege asyrý», — dep túıіndedі Q.AI bas dırektory.