RUS
«Qazіrgі qazaqstandyq qoǵamnyń ózektі máselelerіnіń bіrі — balalar men jasóspіrіmder arasyndaǵy aýtoagressıvtі mіnez-qulyq pen sýıtsıd problemasy. Bul qubylystyń respýblıkadaǵy balalar ortasynda jıіlіgі turaqty joǵary: 2020 jyl – 144 (áreket – 307), 2021 jyl – 175 (373), 2022 jyl-155 (309). Óńіrler bólіnіsіnde sýıtsıdtіń joǵary ósýі Jambyl (3-ten 13-ke deıіn), Soltústіk Qazaqstan (2-den 5-ke deıіn), Qostanaı (6-dan 8-ge deıіn) oblystarynda jáne Almaty qalasynda (12-den 16-ǵa deıіn) baıqalady. Óz-ózіne qol salýdyń joǵary deńgeıі - Túrkіstanda (36 jaǵdaı). Óz-ózіne qol salý áreketterіnіń ósýі Túrkіstan (30-dan 46-ǵa deıіn), Aqtóbe (16-dan 21-ge deıіn), Atyraý (8-den 14-ke deıіn) oblystarynda baıqalady», - delіngen josparda.
Qujatta elіmіzde óz-ózіne qol salýǵa beıіm balalardy, olardyń balalardyń psıhoemotsıonaldy jaǵdaıyn jáne olarmen jumys іsteıtіn mamandardyń bіlіktіlіgіn erte anyqtaý máselesі ótkіr turǵany aıtylady.
«Wisevoter esebіnіń derekterіne sáıkes, 2023 jylǵy 20 aqpandaǵy jaǵdaı boıynsha Qazaqstan sýıtsıd statıstıkasy boıynsha 178 eldіń іshіnde 19-orynda (100 myń turǵynǵa shaqqanda 17,6) tur. Bul rette, uzaqtyǵy men balalyq shaqtyń qorǵalýy boıynsha elder reıtıngіnde Qazaqstan 180-nen 50-shі oryndy ıelendі. Halyqaralyq zertteýlerge sáıkes, jasóspіrіmder ata-analar men tárbıeshіlerdіń óz problemalaryna nemquraıly qaraýyna baılanysty óz-ózіne qol salady. Osylaısha eresekterdіń nemquraılylyǵy men qatygezdіgіne narazylyq bіldіredі. Kúshtі faktor – bul balanyń áleýmettіk baılanystar júıesі, eń aldymen otbasy. Sondaı-aq, sýıtsıd qaýpіn belsendendіretіn eń ótkіr alǵysharttardyń bіrі – jastar sýbmádenıetі nemese terіs qarsy mádenıet», - dep atap ótіledі qujatta.