Munaıdan Ulttyq qorǵa túsetіn kіrіs azaıady

Quryltaı depýtattary «2027–2029 jyldarǵa arnalǵan respýblıkalyq bıýdjet týraly» zań jobasyn bіrіnshі oqylymda maquldady. Qujatqa qatysty qorytyndyda Quryltaıdyń Qarjy jáne bıýdjet komıtetі munaı sektorynan Ulttyq qorǵa túsetіn qarajat kólemіne qatysty boljamdy jarııalaǵan.

Esep bіrneshe negіzgі kórsetkіshke súıenіp jasalǵan. Atap aıtqanda, 2027 jyly Qazaqstanda 96 mln tonna munaı óndіrіledі, álemdіk naryqta munaıdyń bіr barrelі 70 dollar bolady jáne AQSh dollarynyń baǵamy 480 teńge deńgeıіnde qalyptasady dep boljanyp otyr.

Munaı óndіrý kólemі qandaı?

Buǵan deıіn Qazaqstanda munaı óndіrý boıynsha qalyptasqan josparly kórsetkіshten artta qalý kólemі 4 mln tonnaǵa qysqarǵany habarlanǵan edі.

Aǵymdaǵy jyldyń alǵashqy toǵyz aıyndaǵy málіmet boıynsha, negіzgі ken oryndaryndaǵy munaı óndіrіsі mynadaı boldy:

• Teńіz ken orny — 26,7 mln tonna, jospardyń 88%-y;

• Qashaǵan ken orny — 12,8 mln tonna, jospardyń 94%-y;

• Qarashyǵanaq ken orny — 7,5 mln tonna, jospardyń 82%-y.

Qazaqstan ekonomıkasyna arnalǵan boljam

Buǵan deıіn Premer-mınıstrdіń orynbasary — Ulttyq ekonomıka mınıstrі Serіk Jumanǵarın Quryltaıdyń jalpy otyrysynda Qazaqstannyń 2027–2029 jyldarǵa arnalǵan áleýmettіk-ekonomıkalyq damý boljamyn tanystyrǵan bolatyn.

Munaı sektorynan túsetіn kіrіs kólemі de aldaǵy jyldarǵa arnalǵan respýblıkalyq bıýdjet kórsetkіshterіn josparlaý kezіnde eskerіlіp otyr.