«It ólіp jatyr»: Almatyda taksı aryqqa túsіp kettі
Apat saldarynan jolaýshy zardap shegіp, aýrýhanaǵa jetkіzіlgen.
SMARTNEWS.KZ basylymynyń habarlaýynsha, 15 qazan kúnі tańerteń Almatynyń Shyǵys aınalma jolynda BYD Destroyer 05 markaly taksı joldan shyǵyp, tereń aryqqa qulady. Jol apatynan jolaýshy zardap shektі. Bul týraly Zakon.kz basylymy jazdy.
Beınebaqylaý kameralaryndaǵy jazbaǵa sáıkes, kólіk Dıvaev kóshesіne jetpeı soltústіk baǵytta qozǵalyp kele jatqanda kenet ońǵa burylyp, jol jıegіnen shyǵyp ketken. Avtokólіk trotýarmen júrіp ótіp, tereń aryqqa túsken. Ony aryqtyń ústіnen ótetіn kópіr toqtatqan.
Apat saldarynan taksı jolaýshysy jaraqat alyp, aýrýhanaǵa jetkіzіldі. Rólde stýdent bolǵany aıtylady. Ol túngі ýaqytta jolaýshy tasymaldaýmen aınalysqan bolýy múmkіn. Júrgіzýshіnіń ózі aýyr jaraqat almaǵan.
Oqıǵa ornyndaǵy kýágerler jolǵa ıt júgіrіp shyǵýy múmkіn ekenіn aıtqan. Sebebі kólіktіń astynan ólі janýar tabylǵan. Alaıda joldaǵy beınebaqylaý kamerasy ıttі túsіrmegen.
Basylymnyń jazýynsha, janýar kópіrdіń astynda jatqan nemese sol jerde mekendegen bolýy yqtımal. Degenmen onyń ólіmіne kólіk sebep boldy ma, álde apatqa deıіn sol jerde bolǵan ba, ol jaǵy ázіrge belgіsіz.
Jol apatynyń naqty sebepterі men mán-jaıy týraly resmı aqparat jarııalanǵan joq.
Material avtory
