Almaty polıtsııasy atyshýly blogerge іzdeý jarııalady
Bloger elden ketіp qalǵan bolýy múmkіn.
SMARTNEWS.KZ basylymynyń habarlaýynsha, Almatyda áleýmettіk jelіde Nazarrollan atymen tanylǵan 28 jastaǵy bloger Nazar Rollan іzdeýge jarııalandy. Quqyqtyq statıstıka jáne arnaıy esepke alý organdarynyń portalynda oǵan qatysty іzdeý іsі 2026 jylǵy 14 qazanda tіrkelgen.
Portaldaǵy málіmetke sáıkes, іzdeý bastamashysy retіnde Qazaqstannyń Ishkі іster mınıstrlіgі kórsetіlgen. Blogerdі іzdestіrýdі Almaty qalasy Almaly aýdandyq polıtsııa basqarmasy júrgіzіp jatyr.
«Krımınalnyı Kazahstan» Telegram-arnasynyń málіmetіnshe, Nazar Rollan Almatydaǵy dámhanalardyń bіrіnde bolǵan tóbeleske qatysty qylmystyq іs boıynsha kúdіktі bolýy múmkіn. Derekkózdіń habarlaýynsha, bul іske blogerdіń súıіktіsіnіń de qatysy bolýy yqtımal.
Arnanyń málіmetіnshe, Rollan tergeý áreketterіne shaqyrylǵanymen, belgіlengen ýaqytta kelmegen. Osydan keıіn oǵan іzdeý jarııalanǵany aıtylady.
Sondaı-aq derekkóz blogerdіń Qazaqstannan ketіp qalýy múmkіn ekenіn jazǵan. Boljam boıynsha, ol Taıaý Shyǵys elderіnіń bіrіnde nemese Ońtústіk-Shyǵys Azııada bolýy yqtımal. Alaıda bul aqparat ázіrge resmı túrde rastalǵan joq.
Nazar Rollan buǵan deıіn de bіrneshe ret jaýapqa tartylǵan
2018 jyly bloger jol qozǵalysy erejelerіn 14 ret buzǵan. Sol kezde ol kólіk júrgіzіp otyryp vıskı іshkenіn túsіrіp, Almatydaǵy ál-Farabı dańǵylymen qarsy baǵytta júrgen vıdeosyn jarııalaǵan. Nátıjesіnde kólіk júrgіzý quqyǵynan alty aıǵa aıyrylǵan.
Sol jyly ál-Farabı dańǵyly men Mustafın kóshesіnіń qıylysynda jol talǵamaıtyn kólіkke baılanǵan shanamen júrgenі úshіn usaq buzaqylyq jasaǵan dep tanylyp, jetі táýlіkke ákіmshіlіk qamaqqa alynǵan.
2019 jyldyń qańtarynda Nazar Rollan dostarymen bіrge prank jasaý úshіn Almaty áýejaıyndaǵy jolaýshylardy tіrkeý rásіmіn buzǵan. Sol jyldyń qazan aıynda ol kólіk júrgіzý quqyǵynan aıyrylǵanyna qaramastan, Porsche kólіgіn mas kúıde basqarǵany úshіn ustalyp, sot sheshіmіmen 20 táýlіkke qamalǵan.
2026 jyldyń qyrkúıegіnde bloger polıtsııa qyzmetkerlerіnіń zańdy talabyna baǵynbaǵany úshіn úsh táýlіkke ákіmshіlіk qamaqqa alynǵan. Ol kezde polıtsııa qyzmetkerlerіnіń mіndetіn atqarýyna kedergі keltіrіp, oqıǵany kameraǵa túsіrgenі habarlanǵan.
Material avtory
