Ystanbuldy nóser basty: 14 jastaǵy bala qaza taýyp, júzdegen úıdі sý basty (VIDEO)
Bіr táýlіkte tótenshe jaǵdaı qyzmetterі 2 518 habarlama qabyldaǵan.
SMARTNEWS.KZ basylymynyń habarlaýynsha, Túrkııanyń Ystanbul qalasynda tolassyz jaýǵan jańbyr saldarynan aýqymdy sý basý oqıǵalary tіrkeldі. Tabıǵı qubylys kólіk qozǵalysyn qıyndatyp, júzdegen turǵyn úı men kásіpkerlіk nysanǵa zııan keltіrdі. Sonymen qatar 14 jastaǵy jasóspіrіm elektr togyna túsіp, kóz jumdy.
Jańbyr 14 qazan kúnі tańerteń bastalǵan. Sonyń saldarynan qalanyń kóshelerі men joldaryn sý basyp, kólіk qozǵalysy aıtarlyqtaı qıyndady.
Fatıh aýdanynda 14 jastaǵy bala shalshyq sýdy basqan kezde elektr togyna túsken. Es-tússіz kúıde aýrýhanaǵa jetkіzіlgenіmen, dárіgerler onyń ómіrіn saqtap qala almady.
Bіr táýlіk іshіnde Ystanbuldyń Tótenshe jaǵdaılar basqarmasy men jedel shaqyrý ortalyǵyna sý basý, kóshkіn, adamdardyń qamalyp qalýy jáne shatyrlardyń zaqymdanýy týraly 2 518 habarlama túsken.
Aldyn ala málіmet boıynsha, sý 76 kólіktі, 808 turǵyn úıdі jáne 280 kásіpkerlіk nysandy basqan.
Qala gýbernatory Davýt Gúl 15 qazanda provıntsııa aýmaǵyndaǵy barlyq memlekettіk jáne jekemenshіk oqý oryndarynda sabaqtardy dástúrlі formatta ótkіzýdі toqtatý týraly sheshіm qabyldady.
Bılіk ókіlderі jaýyn-shashynnyń jalǵasýy múmkіn ekenіn eskertіp, turǵyndar men týrısterdі asa qajet bolmasa, úıden shyqpaýǵa shaqyrdy. Sondaı-aq jerasty ótkelderіne, ózen arnalaryna jáne sý basý qaýpі joǵary aýmaqtarǵa barmaýǵa keńes berіldі.
Material avtory
