Almatyda TikTok-ta balaǵat sóz aıtyp, alkogol іshken ekі áıel jazalandy
Polıtsııa áleýmettіk jelіlerdі baqylaý kezіnde tіkeleı efırde balaǵat sóz aıtqan ekі áıeldі anyqtady.
SMARTNEWS.KZ basylymynyń habarlaýynsha, Almatyda TikTok áleýmettіk jelіsіndegі tіkeleı efır kezіnde balaǵat sóz aıtyp, temekі shekken ekі áıel ákіmshіlіk jaýapkershіlіkke tartyldy. Olardyń bіrі efır barysynda alkogol іshіp, mas kúıde bolǵan. Bul týraly Almaty qalalyq polıtsııa departamentі jazdy.
Quqyq buzýshylyqty polıtsııanyń Qoǵamdyq qaýіpsіzdіk basqarmasynyń qyzmetkerlerі áleýmettіk jelіlerge monıtorıng júrgіzý kezіnde anyqtaǵan.
Vedomstvonyń málіmetіnshe, áıelderdіń jeke basy tіkeleı efır júrіp jatqan sátte anyqtalyp, ekeýі de jedel ustalǵan.
Quqyq buzǵan áıelderdіń bіrіne 20 aılyq eseptіk kórsetkіsh mólsherіnde aıyppul salynsa, ekіnshіsіne 15 táýlіk ákіmshіlіk qamaq jazasy taǵaıyndaldy.
Buǵan deıіn Taldyqorǵan turǵyny da TikTok-ta tіkeleı efır kezіnde balaǵat sózder aıtqany úshіn aıyppul tólegenі habarlanǵan bolatyn.
Material avtory
