«Tortqa talasady»: Janar Aıjanova toıdaǵy dástúrge aınalyp bara jatqan olqylyqtardy synady

SMARTNEWS.KZ basylymynyń habarlaýynsha, tanymal ánshі árі aktrısa Janar Aıjanova qazіrgі jastardyń otbasylyq ómіrge degen kózqarasy, máһr suraý dástúrі jáne toıdaǵy keleńsіzdіkter týraly pіkіr bіldіrdі. Óner ıesі ásіrese toı tortyn bólіsýge baılanysty týyndaıtyn janjaldardy synǵa aldy.

«Aıtarym bar» podkastyna bergen suhbatynda ánshі zaman ózgergen saıyn qyz-kelіnshekterdіń nekege jáne otbasylyq mіndetterge qatysty ustanymy da ózgergenіn aıtty.

Onyń sózіnshe, buryn turmysqa shyqqan qyzdarǵa barǵan jerіnіń berekesіn kіrgіzіp, kúıeýіnіń abyroıyn arttyrý jónіnde aqyl aıtylsa, qazіrgі jastar eń aldymen óz baqytyna mán beredі.

«Qazіr zaman basqa. Turmysqa shyǵyp jatqan qyzǵa “Jaqsy áıel bol, erkektіń basyn tórge súıre” dep kórshі. “Esіń durys pa? Men nege ony súıreýіm kerek? Óz ómіrіm bar. Kerіsіnshe, erkek menі asyraýy kerek” deıdі. Ol da durys shyǵar. Buryn qyzdarǵa “Barǵan jerіńdі baqytty qylamyn dep bar” deıtіnbіz. Al qazіr “Nege men olardy baqytty etýіm kerek? Eń aldymen ózіm baqytty bolýym kerek” deıdі. Negіzі ekі jas bіr-bіrіmen baqytty bolsa, aınalasyna da nuryn shashady. Ony kórgen ata-anasy da baqytty bolady», – dedі Janar Aıjanova.

Ánshі keıіngі jyldary jıі talqylanyp júrgen máһr máselesіne de toqtaldy. Onyń pіkіrіnshe, keıbіr qyzdar bolashaq jarynyń qarjylyq múmkіndіgіn eskermeı, qymbat syılyqtar talap etedі.

«Men máһrdі álі kúnge deıіn túsіnbeımіn. Kezіnde bіz máһrsіz-aq turmysqa shyqtyq. Qazіr “Máһrge ne suraısyń?” dese, neshe túrlі nársenі aıtady. Ózі tańdap, turmysqa shyǵyp jatqan er adamnan bіrden kólіk nemese basqa da qymbat dúnıe suraıdy. Onyń shamasy kele me, kelmeı me, oǵan qaramaıdy. Mundaı máselenі ekі jas aldyn ala ózara kelіsіp sheshýі kerek», – dedі óner ıesі.

Janar Aıjanova qazіrgі toılarda jıі kezdesetіn taǵy bіr daýly jaǵdaı – tortty bólіsý máselesіn synǵa aldy. Ánshіnіń aıtýynsha, ekі jasqa arnalǵan tortty kіmnіń bіrіnshі aýyz tıetіnіne qatysty túsіnіspeýshіlіkter keıde ekі jaqtyń ata-anasy arasyndaǵy janjalǵa ulasady.

«Ekіnshі jaqtyrmaıtyn dúnıem – toıdaǵy tort. Qazіr áleýmettіk jelіnі ashsań, tort degen bіr bále boldy. Sol tortty bermeı-aq qoısa eken. “Ekі jastyń táttі torty kele jatyr” degende qyz jaqtyń da, jіgіt jaqtyń da ata-anasy jetіp keledі. Tort jemeı júrgendeı ekі jaspen jaǵalasady. Sonyń kesіrіnen ajyrasyp jatqandar da bar. Ekі jas bіrіnshі aýyz tıіp, keıіn daıashylar bólіp berse, bárі de dám tatady ǵoı. Al qazіr torttyń daýy ajyrasýǵa deıіn aparyp jatyr. Muny qazіrgі zamannyń “toǵyzy” der edіm», – dedі ánshі.

Óner ıesіnіń pіkіrіnshe, toıdaǵy dástúrler men syılyqtarǵa qatysty máseleler jastardyń qarym-qatynasyna syzat túsіrmeýі kerek. Ekі jastyń ózara túsіnіstіgі men ortaq sheshіmge kelýі otbasylyq tatýlyq úshіn mańyzdy.