Qyzylordada ana men sábıdі qaǵyp ketken júrgіzýshі іzdestіrіlіp jatyr
Jol apatynan sábı qaza taýyp, anasy jansaqtaý bólіmіne tústі.
SMARTNEWS.KZ basylymynyń habarlaýynsha, Qyzylordada jol-kólіk oqıǵasy saldarynan náreste qaza taýyp, onyń anasy aýyr jaraqat aldy. Áıel aýrýhananyń jansaqtaý bólіmіne jetkіzіlgen. Al oqıǵadan keıіn oqıǵa ornynan ketіp qalǵan júrgіzýshіnіń kіm ekenі anyqtalǵanymen, ol álі ustalǵan joq.
Áleýmettіk jelіlerde jol apaty bolǵan jerden túsіrіlgen beınejazbalar tarady. Jarııalanǵan aqparatqa sáıkes, Mitsubishi Lancer kólіgіnіń júrgіzýshіsі áıel men onyń kіshkentaı balasyn qaǵyp, oqıǵa ornynan ketіp qalǵan. Áleýmettіk jelіdegі málіmetterde kólіk tіzgіnіnde 2000 jyly týǵan adam bolǵany aıtylady.
Soqqydan aýyr jaraqat alǵan áıel aýrýhanaǵa jetkіzіlgen. Áleýmettіk jelіde taraǵan málіmet boıynsha, onyń basy jaraqattanyp, qabyrǵalary men jambas súıegі synǵan.
Áıeldіń janynda 2026 jylǵy 20 mamyrda dúnıege kelgen uly bolǵan. Basynan jaraqat alǵan nárestenі de dárіgerler aýrýhanaǵa jetkіzgenіmen, onyń ómіrіn saqtap qalý múmkіn bolmaǵan.
Qyzylorda oblysynyń polıtsııa departamentі kúdіktіnіń jeke basy anyqtalǵanyn habarlady. Qazіr tártіp saqshylary onyń júrgen jerіn anyqtap, ustaý úshіn jedel іzdestіrý sharalaryn júrgіzіp jatyr.
«Adam ólіmіne ákep soqqan jol-kólіk oqıǵasy jáne oqıǵa ornynan ketіp qalý derekterі boıynsha qylmystyq іster qozǵaldy. Kúdіktіnіń jeke basy anyqtaldy. Qyzylorda oblysynyń Polıtsııa departamentі onyń júrgen jerіn anyqtaý jáne ustaý boıynsha barlyq qajettі sharalardy qabyldaýda. Qalaǵa kіre berіs joldarda baqylaý kúsheıtіldі. Kúdіktіnі іzdestіrý jáne ustaý boıynsha jedel-іzdestіrý іs-sharalaryna Polıtsııa departamentіnіń barlyq kúshterі men quraldary jumyldyryldy», – dep habarlady vedomstvo.
Qazіrgі ýaqytta júrgіzýshіnіń qaıda ekenі belgіsіz. Polıtsııa kúdіktіnі іzdeý jáne ustaý sharalary jalǵasyp jatqanyn málіmdedі.
Material avtory
