Almatydaǵy jappaı ýlanǵan oqýshylardyń sany 55-ke jettі
Ashanadaǵy sanıtarııalyq talaptardyń buzylǵany anyqtalǵannan keıіn mektep qashyqtan oqyta bastady.
SMARTNEWS.KZ basylymynyń habarlaýynsha, Almatydaǵy Respýblıkalyq fızıka-matematıka mektebіnіń jedel іshek ınfektsııasyna uqsas belgіlerі bar oqýshylarynyń sany 55-ke jettі. Balalardyń barlyǵy qalalyq balalar klınıkalyq ınfektsııalyq aýrýhanasyna jatqyzylǵan.
15 qazanda medıtsınalyq mekemege taǵy tórt oqýshy jetkіzіlgen. Osylaısha, 12 qazannan berі іshek ınfektsııasynyń belgіlerіmen aýrýhanaǵa túsken mektep oqýshylarynyń jalpy sany 55-ke jettі.
Almaty qalasynyń densaýlyq saqtaý basqarmasy balalardyń jaǵdaıyna qatysty túsіnіkteme berdі. Vedomstvonyń habarlaýynsha, barlyq naýqasqa qajettі medıtsınalyq kómek tolyq kólemde kórsetіlіp jatyr. Emdelýshіler úshіn tıіstі jaǵdaı jasalyp, olardyń densaýlyǵyn mamandar turaqty baqylaýda ustap otyr.
«Qazіrgі ýaqytta aýrýhanaǵa jatqyzylǵan balalardyń jaǵdaıy turaqty, dınamıkalyq baqylaý barysynda nasharlaý baıqalmaıdy», – dep málіmdedі basqarma.
Sondaı-aq vedomstvo aýrýhanaǵa túsken balalardyń eshqaısysyna reanımatsııalyq sharalar qajet bolmaǵanyn atap óttі.
Eske salaıyq, 12 qazanda Almatydaǵy RFMM-nіń 48 oqýshysy іshek ınfektsııasyna tán belgіlermen aýrýhanaǵa jetkіzіlgen bolatyn. Osy oqıǵadan keıіn mekteptіń, ınternattyń jáne ashananyń jumysy ýaqytsha toqtatyldy.
Polıtsııa atalǵan jaǵdaıǵa baılanysty qylmystyq іs qozǵady. Sanıtarııalyq-epıdemıologııalyq tekserýdіń qorytyndysy negіzіnde oqıǵanyń mán-jaıy anyqtalyp, tıіstі protsestіk sheshіm qabyldanýy kerek.
Qazaqstannyń Oqý-aǵartý mınıstrlіgі de jaǵdaıdy baqylaýǵa aldy. Vedomstvo RFMM-ge Balalardyń quqyqtaryn qorǵaý komıtetіnіń, tıіstі aýmaqtyq organdardyń jáne «Órken» balalardyń ál-aýqatyn qamtamasyz etý ulttyq ǵylymı-praktıkalyq ınstıtýtynyń ókіlderі kіrgen monıtorıng tobyn jіberdі.
Densaýlyq saqtaý mınıstrlіgіnіń málіmetіnshe, mektep ashanasynda sanıtarııalyq talaptardyń buzylǵany anyqtalǵan. Bіlіm ordasy qashyqtan oqytý formatyna kóshіrіlіp, shekteý sharalary engіzіlgen. Qazіr oqıǵanyń sebepterі men mán-jaıyn anyqtaý jumystary jalǵasyp jatyr.
Qazaqstandaǵy Bala quqyqtary jónіndegі ýákіl Dınara Zakıeva da Almatyǵa baryp, aýrýhanaǵa túsken balalardyń jaǵdaıymen tanysqan.
Material avtory
