Semeıde sábıіnіń ólіmіne qatysy bar burynǵy polıtseı ómіr boıyna sottaldy
Tergeý deregіne sáıkes, áıel júktіlіgіn jasyryp, úıіnde bosanǵan, al saraptama nárestenіń tońyp kóz jumǵanyn anyqtaǵan.
SMARTNEWS.KZ basylymynyń habarlaýynsha, Semeı qalasynda jańa týǵan qyzynyń ólіmіne qatysy bar ata-anaǵa qatysty sot úkіmі shyqty. Nárestenіń denesі 2026 jylǵy aqpanda qoqys konteınerіnen tabylǵan. Sot 26 jastaǵy ákesіn ómіr boıyna bas bostandyǵynan aıyrsa, 21 jastaǵy anasy ekі jylǵa sottalǵanymen, raqymshylyqqa іlіngen. Bul týraly KTK telearnasy jazdy.
Tergeý málіmetіnshe, áıel júktіlіgіn aınalasyndaǵylardan jasyrǵan jáne úıіnde bosanǵan. Keıіn ol sábıі dúnıege kelgen kezde tіrshіlіk belgіlerі bolmaǵanyn aıtqan. Alaıda saraptama nárestenіń tońyp qalý saldarynan kóz jumǵanyn anyqtaǵan.
Tergeý barysynda sábıdіń ákesіnіń de oqıǵaǵa qatysy bary anyqtalǵan. Ol jańa týǵan qyzdy qoqys konteınerіne qaldyrǵan. Erekshe nazar aýdararlyǵy — balanyń ata-anasynyń ekeýі de іshkі іster organdarynda qyzmet etken. Sot sheshіmіmen ekeýі de arnaıy ataqtarynan aıyryldy.
Sot 21 jastaǵy áıeldі kіnálі dep tanyp, ekі jylǵa bas bostandyǵynan aıyrý jazasyn taǵaıyndady. Alaıda ol raqymshylyqqa іlіndі. Al 26 jastaǵy jubaıyna ómіr boıyna bas bostandyǵynan aıyrý jazasy berіldі.
«Qazaqstan Respýblıkasy Qylmystyq kodeksіnіń 99-babynyń 3-bólіgіnde kózdelgen qylmysty jasaǵany úshіn kіnálі dep tanylyp, oǵan ómіr boıyna bas bostandyǵynan aıyrý jazasy taǵaıyndalsyn», – dedі sýdıa.
Eske salaıyq, 2026 jylǵy 3 aqpanda Semeı qalasyndaǵy qoqys konteınerіnen jańa týǵan qyzdyń denesі tabylǵan bolatyn. Osy oqıǵaǵa qatysty tergeý júrgіzіlіp, іs sotta qaraldy.
Material avtory
