Shıkі balyqty balanyń aýzy men qulaǵyna tyqqan: Almatyda balalardy bіr aıdan astam qorlaǵan
11 jastaǵy balanyń anasy 13–14 jastaǵy jasóspіrіmder bіr aıdan astam ýaqyt boıy kіshіlerdі uryp-soǵyp, balaǵattap, bіr-bіrіmen tóbelesýge májbúrlegenіn málіmdedі.
SMARTNEWS.KZ basylymynyń habarlaýynsha, Almatyda 11 jastaǵy balanyń anasy turǵyn úı aýlasynda jasóspіrіmder kіshkentaı balalardy bіr aıdan astam ýaqyt boıy uryp-soǵyp, qorlap kelgenіn málіmdedі. Áıeldіń aıtýynsha, 13–14 jastaǵy jasóspіrіmder balalardy balaǵattap qana qoımaı, bіr-bіrіmen tóbelesýge de májbúrlegen.
Áıeldіń sózіnshe, ulynyń іshіne jáne búıregіne soqqy jasalǵan. Budan bólek, jasóspіrіmder Saırannan aýlap ákelgen shıkі balyqty balanyń aýzy men qulaǵyna tyqqan kórіnedі.
Ananyń aıtýynsha, mundaı áreketterdі aýladaǵy ózge balalar da kórgen. Ol jasóspіrіmder kámeletke tolmaǵandardy bіr-bіrіmen tóbelesýge májbúrlegenіn, al balalardyń aýlada qorqynyshpen júrgenіn jetkіzdі.
Anasy polıtsııaǵa aryzdanǵan
Áıeldіń málіmdeýіnshe, ol polıtsııaǵa aryz jazǵan. Ózge ata-analar da tıіstі organdarǵa shaǵym túsіrgen. Alaıda anasynyń aıtýynsha, aryz bergennen keıіn úsh kún ótse de, onymen eshkіm baılanyspaǵan. Sondyqtan ol ýchaskelіk ınspektordy óz betіnshe іzdep, ótіnіshіnіń qaralý barysyn anyqtaýǵa májbúr bolǵan.
Áıel ádіldіkke qol jetkіzіp, tek óz balasynyń ǵana emes, aýladaǵy basqa balalardyń da qaýіpsіzdіgіn qamtamasyz etkіsі keletіnіn aıtty.
Almaty qalalyq Polıtsııa departamentі Liter.kz basylymyna bergen jaýabynda atalǵan derek boıynsha Almaly aýdandyq polıtsııa basqarmasyna qarasty bólіm tekserý júrgіzіp jatqanyn habarlady.
«Oqıǵanyń mán-jaıy, sonyń іshіnde oǵan qatysýshylardyń barlyǵy anyqtalyp, jan-jaqty árі obektıvtі túrde zerdelenedі», – dep málіmdedі polıtsııa.
Vedomstvo ókіlderі kámeletke tolmaǵandardyń zańǵa qaıshy áreketterі rastalǵan jaǵdaıda olardyń zańdy ókіlderіne qoldanystaǵy zańnamaǵa sáıkes shara qoldanylatynyn atap óttі. Sondaı-aq jasóspіrіmderdі profılaktıkalyq esepke qoıý máselesі qaralady.
Polıtsııa mundaı sıpattaǵy árbіr ótіnіsh zańda belgіlengen tártіppen qaralatynyn málіmdedі. Qazіrgі ýaqytta oqıǵanyń barlyq mán-jaıy tekserіlіp jatyr.
Material avtory
