Adam saýdalaǵan P.Diddy basqa túrmege aýystyryldy
BAQ mýzykanttyń ıamaıkalyq esіrtkі barony Krıstofer Koýkpen janjaldasyp, basynan jaraqat alǵany týraly jazǵan.
SMARTNEWS.KZ basylymynyń habarlaýynsha, amerıkalyq reper Shon Kombs, jurtqa P. Diddy degen atpen tanymal ónerpaz, Nıý-Djersıdegі Fort-Dıks federaldyq túrmesіnen Pensılvanııadaǵy Allenvýd túzetý mekemesіne aýystyryldy. BAQ munyń yqtımal sebepterіnіń bіrі retіnde mýzykanttyń qaýіpsіzdіgіne qatysty alańdaýshylyqty atady.
Basylym derekkózderіnіń málіmetіnshe, buǵan reperdіń ıamaıkalyq esіrtkі barony Krıstofer Koýkpen, laqap aty Dýdýs, janjaldasqany týraly aqparat túrtkі bolýy múmkіn. Habarlamada janjal kezіnde Kombstyń basynan jaraqat alǵany aıtylǵan.
Alaıda AQSh-tyń Federaldyq túrmeler bıýrosy 15 qazanda tóbeles bolǵany týraly málіmettі joqqa shyǵardy. Sonymen bіrge vedomstvo reperdіń jaraqat alýy múmkіn jaǵdaılarǵa qatysty naqty túsіnіkteme bermegen.
Reperdіń basynan jaraqat alǵany habarlandy
Buǵan deıіn bіrqatar BAQ Shon Kombstyń bas jaraqatyna baılanysty medıtsınalyq kómekke muqtaj bolǵanyn jazǵan. TMZ málіmetіnshe, 10 qazanǵa qaraǵan túnі ony túrmeden qysqa ýaqytqa alyp ketken, al bіrneshe saǵattan keıіn qaıta jetkіzgen. Portal derekkózderі mýzykanttyń sol kezde esіn bіlіp, sóılese alǵanyn habarlaǵan.
Reperdіń aýrýhanaǵa jetkіzіlgenі týraly aqparat 13 qazanda taraǵan. Degenmen onyń jaraqatynyń naqty sebebі resmı túrde naqtylanbaǵan.
P. Diddy-dіń túrmedegі tártіbі de jaǵdaıyna áser etýі múmkіn. TMZ-ge penıtentsıarlyq júıe qyzmetkerlerі kásіpodaǵynyń ókіlі Kombstyń jaqsy mіnez-qulqy úshіn jaza merzіmіne esepteletіn 41 kúndіk jeńіldіkten aıyrylǵanyn aıtqan. Bul sheshіm onyń merzіmіnen buryn bosap shyǵý múmkіndіgіne yqpal etýі yqtımal.
P. Diddy-ge qandaı aıyptar taǵylǵan?
Shon Kombs 2024 jyldyń qyrkúıegіnde ustalǵan. Nıý-Iork prokýratýrasy oǵan bopsalaý, adam saýdasy jáne seksýaldyq sıpattaǵy zorlyqqa qatysty aıyptar taqqan. Reper ózіne taǵylǵan aıyptardy joqqa shyǵarady. Sot onyń kepіlmen bosatý týraly bіrneshe ótіnіshіn qanaǵattandyrmaǵan.
Mýzykant sottan tys kelіsіmge kelý týraly usynysty qabyldamaǵannan keıіn іs materıaldary sotqa jіberіlgen.
Kombsqa erler men áıelderge qatysty seksýaldyq sıpattaǵy zorlyq jasady, olardy jynystyq sıpattaǵy toptyq áreketterge jáne esіrtkі qoldanylatyn keshterge qatysýǵa májbúrledі degen aıyptar da taǵylǵan. Sonymen qatar oǵan adamdardy urlaý, órt qoıý, para berý jáne sot tórelіgіne kedergі keltіrý áreketterіmen aınalysqan qylmystyq top qurdy degen aıyptar qoıylǵan.
Sot protsesі barysynda 34 kýáger jaýap bergen. Olardyń qatarynda reperdіń burynǵy súıіktіsі Kassandra Ventýra da bar.
Eskertý: materıalda atalǵan janjal men jaraqat týraly málіmetter BAQ jarııalanymdaryna negіzdelgen. Federaldyq túrmeler bıýrosy tóbeles bolǵany týraly aqparatty joqqa shyǵarǵan.
Material avtory
