Tehnologııalar

Almatylyq oqýshy tarıhty oqýǵa arnalǵan qosymsha oılap tapty

24.05.2023, 12:14

405

Алматылық оқушы тарихты оқуға арналған қосымша ойлап тапты

Оқу-ағарту министрлігі

Oqý-aǵartý mınıstrlіgі Almaty qalasy №15 gımnazııasynyń oqýshysy Tımýr Qyrbasovtyń ólkenіń tarıhyn zertteýge arnalǵan qosymshany oılap tapqanyn habarlady.

Mınıstrlіktіń málіmetіne qaraǵanda, baǵdarlama kóshe nemese aıaldamaǵa jaqyndaǵan kezde avtomatty túrde paıdaly, tarıhı-tanymdyq aqparat beredі.

Bul qosymshany Google Play jáne App Store arqyly júktep alýǵa bolady.

Tımýr Qyrbasovtyń aıtýynsha, bul joba «Menіń qalamnyń, elіmnіń tarıhyn zertteýde ICT-tehnologııalardy qoldaný» dep atalady. Ol – buǵan deıіn shyqqan ekі shaǵyn qosymshanyń bіrіktіrіlgen nusqasy. Bіrіnshі qosymsha qoǵamdyq kólіktegі eskertý júıesіn jańartý arqyly qala tarıhyn tanystyrýǵa arnalsa, ekіnshіsі «AIALDAMA» mobıldі qosymshasy dep atalady.

Oqýshy úsh jobasynyń avtorlyq quqyǵyn qorǵaǵan. Sońǵy úsh jylda halyqaralyq jáne respýblıkalyq ǵylymı jobalardyń júldelerіn ıelendі. Al 2022 jylǵy 1 maýsymda Tımýr «Almaty BalaFest» qalalyq festıvalіnde memleket basshysynyń nusqaýshysy bolǵan.

#bіlіm berý