Tramp Netanıahýdy «úzdіk premer-mınıstr árі naǵyz jaýynger» dep atady
AQSh prezıdentі Netanıahýdy qysymǵa tótep bergen myqty kóshbasshy dep sıpattap, Izraıl úshіn kóp іs atqarǵanyn aıtty.
SMARTNEWS.KZ basylymynyń habarlaýynsha, AQSh prezıdentі Donald Tramp Izraılde 27 qazanda ótetіn parlamenttіk saılaý qarsańynda premer-mınıstr Bınıamın Netanıahýdy ashyq qoldady. Ol Izraıl úkіmetіnіń basshysyn úzdіk kóshbasshy árі naǵyz jaýynger dep atap, onyń el premer-mınıstrі qyzmetіnde qalýyn qalaıtynyn málіmdedі.
Tramp Truth Social áleýmettіk jelіsіndegі paraqshasynda Izraıl halqyna arnap jazba jarııalaǵan. Onda ol Netanıahýdyń Iranǵa qarsy kúrestі basqaryp, beıbіtshіlіkke qol jetkіzý jolynda mańyzdy serіktes bolǵanyn atap óttі.
AQSh prezıdentі Irannyń ondaǵan jyl boıy Izraıl men Amerıkaǵa qarsy urandar aıtyp kele jatqanyn alǵa tartty. Onyń sózіnshe, mundaı qoqan-loqqylar jaýapsyz qalsa, túptіń túbіnde shynaıy qaýіpke aınalýy múmkіn. Tramp Irannyń áskerı jáne qarjylyq áleýetіne júıelі túrde nuqsan keltіrіlgenіn aıtyp, Tegeran jaqyn arada saıasatyn ózgertpese, Vashıngton bastaǵan іsіn sońyna deıіn jetkіzetіnіn málіmdedі.
Sonymen qatar Tramp Izraıldіń basynda Netanıahýdan basqa saıasatker tursa, bul mіndettі AQSh óz kúshіmen atqarýǵa májbúr bolatynyn aıtty. Prezıdent mundaı jaǵdaıdy qalamaıtynyn da jasyrmady.
Tramp Netanıahýdy Izraıldіń óz іshіndegі qarsylyqty qosa alǵanda, zor qysymǵa qaramastan moıymaǵan myqty árі batyl kóshbasshy retіnde sıpattady. Onyń aıtýynsha, ol eń qıyn kezeńderdіń ózіnde berіlmeı, kerіsіnshe, shyńdala túsken.
«Amerıka Qurama Shtattary Izraıldіń osyndaı serіktes bolǵanyn qalaıdy. Bіz bul el úshіn kóp іs atqardyq. Osy úndeýіm arqyly Bınıamın Netanıahýdyń Izraıl premer-mınıstrі laýazymyna qaıta saılaný naýqanyna tolyq árі eshbіr shartsyz qoldaý bіldіremіn. Bıbı Netanıahý sіzderdіń senіmderіńіzdі eshqashan aqtamaı qalmaıdy», – dep jazdy Tramp.
Anadolu agenttіgіnіń málіmetіnshe, Izraıldegі parlamenttіk saılaý 27 qazanda ótedі.
Aıta keteıіk, Bınıamın Netanıahý 2022 jylǵy 1 qarashada ótken parlamenttіk saılaýda jeńіske jetken. Al 2021 jylǵy maýsymda ol 12 jyl atqarǵan premer-mınıstr qyzmetіnen ketken bolatyn.
Material avtory
