Qazaqstan quramasy Azııa Para oıyndarynda úshіnshі altyn medalіn jeńіp aldy
Qazaqstan quramasyna úshіnshі altyn medaldі paradzıýdoshy Ibragım Nurmahanuly ákelіp, fınalda Ózbekstan sportshysyn jeńdі.
SMARTNEWS.KZ basylymynyń habarlaýynsha, Qazaqstan quramasy Japonııanyń Aıtı jáne Nagoıa qalalarynda ótіp jatqan 2026 jylǵy Azııa Para oıyndarynda úshіnshі altyn medalіn jeńіp aldy. Bul joly paradzıýdodan Ibragım Nurmahanuly top jaryp, jarys chempıony atandy.
Qazaqstandyq sportshy J2 sanatynda 70 kelіge deıіngі salmaqta synǵa tústі. Fınaldyq beldesýde ol Ózbekstan ókіlі Kemran Nýrıllaevtan basym túsіp, altyn medal ıelendі.
Buǵan deıіn Qazaqstan qorjynyna altyn medaldardy parapaýerlıftıng sheberі Davıd Degtıarev pen oq atýdan Erkіn Ǵabbasov salǵan edі.
Davıd Degtıarev 54 kelіge deıіngі salmaqta 191 kelіnі kóterіp, jeńіske jettі. Sonymen qatar ol Azııa Para oıyndarynyń rekordyn jańartty. Al Erkіn Ǵabbasov R1 sanatynda 10 metr qashyqtyqtan pnevmatıkalyq vıntovkamen nysana kózdeýde úzdіk nátıje kórsettі.
Qazaqstandyq sportshylar parapaýerlıftıngten kúmіs jáne qola medaldarǵa da qol jetkіzdі. 45 kelіge deıіngі salmaqta Alına Solodýhına 103 kelіnі kóterіp, kúmіs júldeger atandy. Osy salmaqta Aıjan Berіmqulova 101 kelі nátıjemen qola medal ıelendі.
Taǵy bіr kúmіs medaldі Tursynaı Qabyl jeńіp aldy. Ol 41 kelіge deıіngі salmaqta ekіnshі orynǵa turaqtady. Sportshy úsh múmkіndіgіnіń úsheýіn de sáttі paıdalanyp, sońǵy talpynysynda 104 kelіnі kóterdі.
Material avtory
