Parıjdegі stýdentter narazylyǵy: Lývr mýzeıі kelýshіler úshіn jabyldy
Frantsııa astanasynda stýdentterdіń narazylyq aktsııasyna baılanysty álemge áıgіlі mýzeı kelýshіlerdі qabyldaýdy ýaqytsha toqtatty.
SMARTNEWS.KZ basylymynyń habarlaýynsha, Frantsııa astanasy Parıjde stýdentterdіń narazylyq aktsııasyna baılanysty álemge áıgіlі Lývr mýzeıі kelýshіler úshіn jabyldy. Narazylyq bіldіrýshіler mýzeıdіń kіreberіsіn bógep, týrısterdіń іshke kіrýіne kedergі keltіrgen.
Lývr mýzeıіnіń X áleýmettіk jelіsіndegі resmı paraqshasynda mekemenіń ýaqytsha jumys іstemeıtіnі týraly habarlama jarııalandy.
«Qurmettі kelýshіler, stýdentterdіń ereýіlіne baılanysty mýzeı qazіr jabyq. Qolaısyzdyq úshіn keshіrіm suraımyz», – delіngen habarlamada.
Frantsýz jýrnalısі Lıýk Offre de áleýmettіk jelіde Parıj kóshelerіnde túsіrіlgen vıdeony jarııalady. Onyń aıtýynsha, stýdentter 19 qazan kúnі tańerteń mýzeıdіń kіreberіsіn buǵattaǵan.
Jýrnalıstіń jazýynsha, Lývrǵa kіre almaǵan týrıster narazylyq bіldіrіp, mýzeıge kіrýge ruqsat berýdі talap etken.
Aıta keteıіk, qyrkúıek aıynyń sońynda Frantsııada joǵary synyp oqýshylarynyń narazylyq aktsııalary bastalǵan. Parıjde іrі demonstratsııa qarsańynda da stıhııalyq sherýler ótіp, olardyń bіrі polıtsııamen qaqtyǵysqa ulasqan. Sol kezde quqyq qorǵaý organdary kózden jas aǵyzatyn gaz qoldanǵan.
Buǵan deıіn Frantsııa prezıdentі Emmanýel Makron halyqqa arnap vıdeoúndeý jarııalaǵan. Sondaı-aq elde ómіr súrý qunynyń ósýіne qarsy jappaı narazylyqtarǵa qatysqan ekі myńnan astam adam ustalǵany habarlanǵan. Narazylyqtar men tártіpsіzdіkterdіń saldaryna qatysty kásіpkerler men qala ákіmderі de pіkіr bіldіrgen.
Material avtory
