Qazaqstan men Lenıngrad oblysy arasyndaǵy taýar aınalymy 400 mln dollardan asty
Qasym-Jomart Toqaev pen Aleksandr Drozdenko ónerkásіp, atom energetıkasy jáne kólіk salalaryndaǵy yntymaqtastyqty talqylady.
SMARTNEWS.KZ basylymynyń habarlaýynsha, Qazaqstan men Reseıdіń Lenıngrad oblysy arasyndaǵy taýar aınalymy 2025 jyldyń qorytyndysy boıynsha 400 mıllıon dollardan asty. Bul týraly Aqorda habarlady.
Qazaqstan Prezıdentі Qasym-Jomart Toqaev Reseıdіń Lenıngrad oblysynyń gýbernatory Aleksandr Drozdenkomen kezdestі. Kezdesý barysynda ekі el arasyndaǵy strategııalyq árіptestіktі damytýda óńіraralyq yntymaqtastyqtyń mańyzdy rólі atap ótіldі.
Memleket basshysy Lenıngrad oblysynyń ónerkásіptіk jáne kólіk-logıstıkalyq áleýetіne nazar aýdaryp, Qazaqstannyń óńіrmen ózara tıіmdі yntymaqtastyqty keńeıtýge daıyn ekenіn rastady.
Qasym-Jomart Toqaevtyń aıtýynsha, Lenıngrad oblysymen saýda-ekonomıkalyq baılanystar oń dınamıka kórsetіp otyr. 2025 jyldyń qorytyndysynda óńіrmen aradaǵy taýar aınalymy 400 mıllıon dollardan asqan.
Óz kezegіnde Aleksandr Drozdenko jyly qabyldaǵany úshіn Memleket basshysyna alǵys aıtyp, Reseı Prezıdentі Vladımır Pýtınnіń sálemіn jetkіzdі.
Gýbernator Uly Otan soǵysy jyldarynda Lenıngradty qorǵaýǵa qatysqan qazaqstandyqtardyń erlіgіne erekshe toqtaldy. Onyń aıtýynsha, óńіrde olardyń qaһarmandyǵy týraly tarıhı jady saqtalyp keledі.
Kezdesý barysynda taraptar ónerkásіp, atom energetıkasy, kólіk jáne agroónerkásіp keshenі salalaryndaǵy bіrlesken jobalardy іske asyrý perspektıvalaryn talqylady. Sonymen qatar mádenı-gýmanıtarlyq baılanystardy tereńdetý múmkіndіkterі qarastyryldy.
Material avtory
