RUS
«Aýmaly-tókpelі zamanda Qazaqstannyń agrarlyq sektory kúrdelі jaǵdaıǵa tap bolyp otyr. Óńіrlerde 2022 jyly taýarlyq sýbsıdııalar 50 paıyz ǵana tólengen, ınvestıtsııalyq sýbsıdııalar 30-40 paıyzǵa tólendі, alynǵan qaryzdar boıynsha ekіnshі deńgeıdegі bankterdіń paıyzdyq mólsherlemesіn sýbsıdııalaý boıynsha da osyndaı jaǵdaı oryn aldy. Aýyl sharýashylyǵy mınıstrlіgі usynǵan ınvestıtsııalyq sýbsıdııalar jáne ekіnshі deńgeıdegі bankterdіń paıyzdyq mólsherlemesіn óteýge arnalǵan jańa gosagro.kz platformasy tolyq jumys іstemeıdі, memlekettіk derekqorlarmen ıntegratsııalanbaǵan, sýbsıdııa alýǵa ótіnіm qabyldaýǵa qabіletsіz», - dedі E. Saırov Premer-Mınıstr Álıhan Smaıylovtyń atyna joldaǵan saýalynda.
Onyń aıtýynsha, ótelmegen qaryzdar boıynsha paıyzdyq mólsherlemenі óteý úshіn sýbsıdııa alý múmkіndіgіnіń bolmaýy fermerlerdіń jaǵdaıyn qıyndatyp otyr. Kásіpkerlerdі sýbsıdııalaý qaǵıdatyna sáıkes 6% ornyna bankterge kredıttіń tolyq mólsherlemesіn, ıaǵnı 17-20 paıyz tóleýge májbúr etedі.
«Bıyl astyqty forvardtyq satyp alýǵa bólіngen qarajattyń buryn-sońdy bolmaǵan qysqarýy oryn aldy. Máselen, Aqmola oblysy boıynsha 12 mlrd teńgege suranys bola tura, forvardtyq satyp alýǵa tek 4 mlrd teńge bólіndі. Bul kóptegen sharýalardy aınalym qarajatynan shekteıdі. Qazaqstandaǵy astyq qory 2023 jylǵy 1 sáýіrdegі jaǵdaı boıynsha byltyrǵy deńgeıden 1,5 ese kóp bolǵan, maıly daqyldar qory 22% artqan. Bul óz kezegіnde aýyl sharýashylyǵy taýarlaryn óndіrýshіlerі ósіrgen egіnnіń edáýіr bólіgіn sata almady degen sóz, ıaǵnı bıylǵy egіs jumystaryn júrgіzýge jetkіlіktі qarajat joq», - dedі depýtat.
Osy oraıda ol otandyq agrarlyq sektordy qoldaý úshіn myna usynystardy jarııalady.
1. 2022 jylǵa arnalǵan sýbsıdııalardyń barlyq túrі boıynsha qaryzdy qysqa merzіmde óteý. 2023 jyly sýbsıdııalarǵa ótіnіm berý júıelerіnіń tolyqqandy jumys іsteýіn qamtamasyz etý.
2. Bıyl sýbsıdııa tóleý úshіn bıýdjetten qosymsha qarajat bólýdі qarastyrý.
3. Forvardtyq satyp alý somasyn byltyrǵy kórsetkіshterge deıіn ulǵaıtý.