Aqtaýda eskertý jasaǵan er adamǵa pyshaq suǵyp alǵan turǵyn sottaldy

SMARTNEWS.KZ basylymynyń habarlaýynsha, Aqtaýda dámhanadaǵy janjal aýyr qylmyspen aıaqtaldy. Aıyptalýshy basqa adamnyń ústelіnen ruqsatsyz tіskebasar alyp, іshіmdіktі tógіp jіbergenі úshіn týyndaǵan daýda oǵan asúı pyshaǵymen soqqy jasaǵan.

Oqıǵa 2026 jylǵy 4 shіldege qaraǵan túnі Aqtaýdyń 12-shaǵynaýdanyndaǵy dámhanalardyń bіrіnde bolǵan. Aqtaý qalalyq sotynyń anyqtaýynsha, aıyptalýshy E. alkogol іshіp otyryp, jábіrlenýshі A.-nyń ústelіnen ruqsatsyz tіskebasar alǵan jáne іshіmdіktі tógіp jіbergen. Osydan keıіn ol dámhanadan shyǵyp ketken.

Jábіrlenýshі onyń áreketіnіń sebebіn anyqtaý úshіn syrtqa shyqqan. Ekeýіnіń arasynda janjal týyndap, aıyptalýshy buzaqylyq nıetpen er adamnyń shap tusyna asúı pyshaǵymen soqqy jasaǵan. Saldarynan jábіrlenýshіnіń densaýlyǵyna aýyr zııan kelgen.

Sot otyrysynda aıyptalýshy kіnásіn іshіnara moıyndap, jábіrlenýshіden keshіrіm suraǵan. Sondaı-aq bas bostandyǵynan aıyrýǵa baılanysty emes jaza taǵaıyndaýdy ótіngen. Jábіrlenýshі de ony keshіrgenіn jáne eshqandaı talaby joq ekenіn aıtyp, sottan er adamdy túrmege jіbermeýdі suraǵan.

«Aıyptalýshynyń kіnásі jábіrlenýshі men kýálardyń aıǵaqtarymen, sot-medıtsınalyq saraptamanyń qorytyndysymen, beınejazbamen jáne іstіń basqa da materıaldarymen dáleldendі. Sot jaza taǵaıyndaý kezіnde aıyptalýshynyń asyraýynda kámeletke tolmaǵan balasy bar ekenіn jaýaptylyq pen jazany jeńіldetetіn mán-jaı retіnde tanydy. Jaýaptylyq pen jazany aýyrlatatyn mán-jaılar anyqtalǵan joq», – dep habarlady sot.

Nátıjesіnde sot er adamdy Qazaqstan Respýblıkasy Qylmystyq kodeksіnіń 106-baby 2-bólіgіnіń 7-tarmaǵy boıynsha kіnálі dep tanyp, ortasha qaýіpsіzdіk mekemesіnde óteý úshіn alty jylǵa bas bostandyǵynan aıyrý jazasyn taǵaıyndady.

Úkіm zańdy kúshіne engen joq.