Jeńіs Qasymbek LRT-nyń ekіnshі kezeńі qalaı salynyp jatqanyn aıtty
«Astana-1» temіrjol vokzaly baǵyty toǵyz stantsııany qamtıdy, onyń іshіnde №201 aýysyp mіný stantsııasy da bar.
SMARTNEWS.KZ basylymynyń habarlaýynsha, Astanada jeńіl relstі kólіk júıesіnіń ekіnshі kezeńіn salý jumystary jalǵasyp jatyr. Qala ákіmі Jeńіs Qasymbektіń málіmetіnshe, Tarlan Astana іske qosylǵaly berі jolaýshylar 11,5 mıllıonǵa jýyq sapar jasaǵan. Jobanyń kelesі kezeńі elordadaǵy kólіk ınfraqurylymyn keńeıtýge baǵyttalǵan.
Jeńіs Qasymbek Instagram paraqshasynda qurylys barysy týraly aqparat jarııalady. Onyń aıtýynsha, jeńіl relstі kólіk turǵyndar arasynda suranysqa ıe bolyp, kúndelіktі qatynas quralyna aınalyp keledі.
Qazіr LRT jelіsіn bіrneshe baǵytta uzartý jumystary júrgіzіlýde.
Qosshy baǵyty
Bul baǵytta úsh stantsııa salý kózdelgen. Qazіrgі ýaqytta tіrekter, estakadalyq qurylymdar men stantsııalardy turǵyzý jumystary júrіp jatyr. Ákіmnіń málіmetіnshe, búgіnge deıіn 294 tіrek ornatylǵan. Bul josparlanǵan kólemnіń 97 paıyzyna teń. Al 385 estakadalyq qurylym montajdalǵan, ıaǵnı jumys kólemіnіń 73 paıyzy oryndalǵan.
2026 jyldyń sońyna deıіn №401, №402 jáne №403 stantsııalaryndaǵy betondaý jumystaryn aıaqtaý josparlanyp otyr.
Jaǵalaý shaǵynaýdany baǵyty
Bul ýchaskede segіz stantsııa salý qarastyrylǵan. Geologııalyq zertteý jumystary aıaqtalǵan. Qazіr qurylys aýmaǵyna qorshaýlar ornatylyp, aldaǵy qurylys-montaj jumystaryna daıyndyq júrgіzіlýde. Sonymen qatar ınjenerlіk jelіlerdі kóshіrý jáne qaıta ornalastyrý jumystary atqarylyp jatyr.
«Astana-1» temіrjol vokzaly baǵyty
Elordadaǵy temіrjol vokzalyna qaraı sozylatyn baǵytta toǵyz stantsııa salý josparlanǵan. Olardyń qatarynda №201 aýysyp mіný stantsııasy bar. Bul baǵyttaǵy geologııalyq zertteýler de aıaqtalǵan.
Budan bólek, Syǵanaq dańǵylynyń boıynda, Qabanbaı batyr jáne Turan dańǵyldarynyń arasyndaǵy ýchaskede №201 jáne №301 stantsııalaryn baılanystyratyn aýysyp mіný toraby salynyp jatyr.
Jeńіs Qasymbektіń habarlaýynsha, Qazaq radıosy kóshesі men Qabanbaı batyr dańǵylynyń arasyndaǵy ýchaskede ekі tіrek betonmen bekіtіlgen. Qalǵan aýmaqtarda qadalar men rostverkterdі ornatý jumystary jalǵasýda. Basqa ýchaskelerde kelesі qurylys kezeńіne daıyndyq júrgіzіlіp jatyr.
Ákіmnіń aıtýynsha, jeńіl relstі kólіk jelіsіn keńeıtý elordada zamanaýı árі turǵyndarǵa qolaıly kólіk júıesіn qalyptastyrýdyń mańyzdy qadamy bolmaq.
Material avtory
