Aqtóbedegі fýtbol matchyndaǵy arandatýshy plakat úshіn qyzdardyń ata-anasy jazalandy
«Aqtóbe» men «Ordabasy» arasyndaǵy oıynnan keıіn áleýmettіk jelіde Ózbekstan týy beınelengen plakat jankúıerlerdіń ashýyna tıdі.
SMARTNEWS.KZ basylymynyń habarlaýynsha, Aqtóbede ótken «Aqtóbe» men «Ordabasy» fýtbol klýbtarynyń kezdesýі alańdaǵy nátıjemen ǵana emes, trıbýnadaǵy daýly oqıǵamen de este qaldy. Ózbekstan týy beınelengen plakattyń paıda bolýyna baılanysty polıtsııa tekserý júrgіzіp, ony ustaǵan qyzdardyń ata-analaryn ákіmshіlіk jaýapkershіlіkke tartty.
Match 17 qazanda Aqtóbedegі Qobylandy batyr atyndaǵy ortalyq stadıonda óttі. Shymkenttіk «Ordabasy» alań ıelerіn 3:1 esebіmen jeńdі. Alaıda oıynnan keıіn áleýmettіk jelіlerde kezdesýdіń nátıjesіnen górі keıbіr jankúıerlerdіń áreketі qyzý talqylandy.
Áleýmettіk jelіlerde taraǵan habarlamalar men beınejazbalarǵa qaraǵanda, trıbýnada Ózbekstan týy beınelengen, jaǵymsyz mazmundaǵy plakat ustaǵan qyzdar baıqalǵan. Buǵan qosa, matchtan keıіn keıbіr jankúıerlerdіń «Ózbekter!» dep urandatqany týraly aqparat tarady. Oqıǵa Qazaqstanda ǵana emes, Ózbekstanda da talqylaýǵa tústі.
Keıіn shymkenttіk advokat Aıanhan Omarov bolǵan jaǵdaıǵa quqyqtyq baǵa berýdі surap, Bas prokýratýraǵa ótіnіsh joldaǵanyn habarlady. Onyń pіkіrіnshe, jankúıerlerdіń áreketіn ulttyq arazdyqty qozdyrý belgіlerіnіń bar-joǵy turǵysynan da tekserý qajet.
Aqtóbe oblysynyń polıtsııa departamentі plakat ustaǵan qyzdardyń jeke basy anyqtalǵanyn málіmdedі. Olardyń kámeletke tolmaǵany belgіlі bolǵan.
«Qyzdarmen ata-analarynyń qatysýymen profılaktıkalyq áńgіme júrgіzіldі. Al ata-analary balalardy tárbıeleý jónіndegі mіndetterіn tıіsіnshe oryndamaǵany úshіn ákіmshіlіk jaýapkershіlіkke tartyldy», – dep habarlady polıtsııa.
Material avtory
