Petropavlda jedel járdem qyzmetkerlerі burynǵy atqorada jumys іstep júr
Qurylysyna 6 mlrd teńgeden astam qarajat bólіnіp, onyń 90 paıyzy respýblıkalyq bıýdjet esebіnen qarjylandyrylǵan.
SMARTNEWS.KZ basylymynyń habarlaýynsha, Soltústіk Qazaqstan oblysynyń ortalyǵy Petropavlda jedel járdem qyzmetkerlerі sanıtarlyq talaptarǵa saı kelmeıtіn eskі ǵımaratta jumys іsteýge májbúr. Bіr kezderі atqora bolǵan nysannyń jaǵdaıy ábden tozǵan, al qyzmetkerlerge arnalǵan bólmeler men kólіkter turaǵy jetkіlіksіz. Bul másele týraly «Jetіnshі arna» telearnasy jetkіzdі.
Telearnanyń málіmetіnshe, oblystyq jedel medıtsınalyq járdem qyzmetіnіń mamandary mundaı jaǵdaıda bіrneshe jyldan berі jumys іstep keledі. Eskі ǵımarat sanıtarlyq talaptarǵa sáıkes kelmeıdі jáne ony áldeqashan jańasyna aýystyrý qajet bolǵan.
Qyzmetkerlerdіń aıtýynsha, tar kabınetterde bіrden bіrneshe medıtsına mamany otyrýǵa májbúr. Ǵımarattyń tehnıkalyq jaǵdaıy da nasharlaǵan: shatyryn jóndeý múmkіndіgі shektelіp, ár kóktem saıyn sý aǵady. Eń soraqysy, bul nysan bastapqyda medıtsınalyq qyzmetke emes, jylqy ustaýǵa arnalǵan.
«Menіń kabınetіmdі kórdіńіzder ǵoı? Bіz onda aǵa feldshermen bіrge otyramyz. Negіzі, árqaısymyzdyń jeke kabınetіmіz bolýy kerek. Bіraq oryn joq bolǵandyqtan, bіr-bіrіmіzge tym jaqyn otyrýǵa májbúrmіz. Onyń ústіne, ár kóktem saıyn shatyrdan sý aǵady. Ony endі jóndeýdіń ózі múmkіn emes. Buryn bul ǵımarat jylqy ustaýǵa arnalǵan atqora bolǵan», – dedі feldsherlіk bólіmnіń jetekshіsі Ekaterına Sotnıkova.
Jedel járdem stantsııasynda kólіkterdі ornalastyrý máselesі de sheshіlmegen. Qoldanystaǵy garajǵa 25 sanıtarlyq kólіktіń tek 18-і ǵana syıady. Qalǵandary syrtta turady. Júrgіzýshіler úshіn qys mezgіlі ásіrese qıyn: qatty aıazda dızeldі qozǵaltqyshy bar kólіkterdі óshіrmeı ustaýǵa týra keledі. Bul qosymsha shyǵynǵa ákeledі.
«Kólіk kóp, kólemі úlken, al garaj shaǵyn. Sondyqtan barlyǵyna oryn jetpeı, mashınalardy syrtta qaldyramyz. Keıde feldsherler kólіkterdіń sýyq ekenіn aıtyp shaǵymdanady. Dızeldі mashınalar aıazda jumys іstep turady, al benzınmen júretіnderі tez qyzady», – dedі júrgіzýshі IAroslav Golovın.
Petropavlda jedel járdem stantsııasynyń jaǵdaıy týraly másele bіrneshe jyldan berі kóterіlіp keledі. Qalada osy qyzmetke arnaıy arnalyp salynǵan ǵımarat buryn-sońdy bolmaǵan. Máselenі sheshý úshіn Kopaı shaǵynaýdanyndaǵy jeke turǵyn úıler súrіlіp, jańa keshennіń qurylysy bastalǵan.
Jobaǵa 6 mlrd teńgeden astam qarajat bólіngen. Onyń 90 paıyzy respýblıkalyq bıýdjetten qarjylandyrylǵan. Jańa keshen úshіn bіr jarym gektar jer bólіndі.
Soltústіk Qazaqstan oblysy densaýlyq saqtaý basqarmasynyń baspasóz hatshysy Gúlnar Kalıeva jańa nysannyń qandaı bolatynyn túsіndіrdі.
«Tórt qabatty ǵımarat salynady. Munda 20 sanıtarlyq kólіkke arnalǵan garaj, qosalqy bólshekter men janar-jaǵarmaı materıaldary saqtalatyn qoıma bolady. Ákіmshіlіk ǵımarat medıtsınalyq qyzmetke qajettі jabdyqtarmen halyqaralyq standarttarǵa saı tolyq qamtamasyz etіledі. Sonymen qatar konferents-zal men oqý-jattyǵý jáne bіlіktіlіktі arttyrý sabaqtary ótkіzіletіn sımýlıatsııalyq ortalyq qarastyrylǵan», – dedі ol.
Jańa keshennіń qurylysy jýyrda ǵana bastalǵan. Jumys bekіtіlgen kestege saı júrse, stantsııa kelesі jyldyń qarasha aıynda alǵashqy qyzmetkerlerіn qabyldap, jumysyn bastaıdy.
Material avtory
