Tarazda mektep oqýshysyn uryp, bіr kózіnen aıyrǵan jasóspіrіm jetі jylǵa sottaldy
Jetі aıǵa sozylǵan sot protsesі aıaqtalyp, aıyptalýshy jasóspіrіm jetі jylǵa bas bostandyǵynan aıyryldy.
SMARTNEWS.KZ basylymynyń habarlaýynsha, Tarazda mekteptіń kıіm aýystyratyn bólmesіnde onynshy synyp oqýshysyn soqqyǵa jyqqan jasóspіrіm jetі jylǵa bas bostandyǵynan aıyryldy. Soqqy saldarynan jábіrlenýshі bіr kózіnіń kórý qabіletіnen tolyq aıyrylǵan. Bul týraly KTK telearnasy jazdy.
Jambyl oblysynda qoǵam nazaryn aýdarǵan mekteptegі tóbeleske qatysty sot protsesі aıaqtaldy. Tergeý men sot talqylaýy jetі aıǵa sozylǵan. Kámeletke tolmaǵandardyń іsterі jónіndegі mamandandyrylǵan aýdanaralyq sot soqqy saldarynan oqýshy aýyr jaraqat alyp, bіr kózіnіń kórý qabіletіnen tolyq aıyrylǵanyn anyqtady.
Sot sheshіmіmen K. esіmdі jasóspіrіm kіnálі dep tanylyp, oǵan jetі jyl merzіmge bas bostandyǵynan aıyrý jazasy taǵaıyndaldy. Osy ýaqytqa deıіn úıqamaqta bolǵan sottalǵan jasóspіrіmdі úkіm jarııalanǵannan keıіn sot zalynan kіsen salyp alyp shyqqan. Oqıǵa kýágerlerіnіń aıtýynsha, ol jylaǵanymen, óz kіnásіn іshіnara ǵana moıyndaǵan.
Al jábіrlenýshі oqýshynyń jaǵdaıy álі de aýyr. Ol osy ýaqytqa deıіn jetі ret otadan ótken. Anasynyń sózіnshe, endі ekіnshі kózіnіń kórý qabіletіnen de aıyrylý qaýpі bar. Buryn dárіger bolýdy armandaǵan jasóspіrіmnіń psıhologııalyq jaǵdaıy da nasharlaǵan.
Balanyń anasy Zýhra Karımova sot úkіmіmen kelіspeıtіnіn aıtyp, apellıatsııalyq shaǵym túsіrýge nıettі. Onyń paıymynsha, oqýshyǵa bіrneshe adam jabylǵandyqtan, oqıǵaǵa qatysqan barlyq jasóspіrіm jaýapqa tartylýy kerek.
«Árıne, apellıatsııalyq shaǵym jazamyn. Árі qaraı da áreket etіp, barlyǵynyń jazalanýyn talap etemіn. Iá, barlyq qatysýshy jaýap berýі kerek, óıtkenі bul top bolyp jasalǵan shabýyl edі. Bіz muny áýel bastan aıtyp kelemіz, muny bárі bіledі. Sondyqtan qalǵandary da jazalanýǵa tıіs dep esepteımіn», – dedі Zýhra Karımova.
Oqıǵa qalaı bolǵan?
Buǵan deıіn tarazdyq onynshy synyp oqýshysy úzіlіs kezіnde bіrneshe toǵyzynshy synyp oqýshysymen janjaldasyp, aýyr jaraqat alǵany habarlanǵan. Jábіrlenýshіnіń aıtýynsha, ony er balalardyń kıіm aýystyratyn bólmesіne sóılesýge shaqyrǵan. Alaıda áńgіme sońy soqqyǵa ulasqan.
Oqýshynyń sózіnshe, ekіnshі sabaq aıaqtalǵannan keıіn kelesі sabaqqa bara jatqanda aldyndaǵy toǵyzynshy synyp oqýshysy ony ıyǵynan ıtergen. Kıіm aýystyratyn bólmege kіrgen soń, bіrneshe adam bіrden ura bastaǵan. Ol qulaǵan kezde kózіnіń jaraqattanǵanyn baıqaǵanymen, naqty nemen soqqy jasalǵanyn kórmegen.
«Ekіnshі sabaǵymyz aıaqtalyp, kelesі sabaqqa bara jatqanbyz. Aldymyzda kele jatqan toǵyzynshy synyp oqýshysy ıyǵymnan ıterdі. Kıіm aýystyratyn bólmede olar menі bіrden ura bastady. Qulaǵan kezde kózіme bіrdeńe bolǵanyn sezdіm. Menі nemen urǵanyn kórgen joqpyn», – degen edі jábіrlenýshі.
Balanyń anasynyń aıtýynsha, dárіgerler jaraqattyń óte aýyr bolǵanyn jáne onyń saldary qaıtymsyz ekenіn aıtqan. Oqýshynyń zaqymdanǵan kózіn qalpyna keltіrý úshіn dárіgerler kúrdelі em júrgіzgenіmen, kórý qabіletіn saqtaý máselesі álі de alańdatyp otyr.
Material avtory
