RUS
«Joıqyn órttі oqýshy uıymdastyrýy múmkіn. Ol órttі jataqhana komendanty men muǵalіmі onyń uıaly telefonyn alyp qoıǵannan keıіn qoıdy degen kúdіk bar», - delіngen resmı habarlamada.
Patologoanatomnyń qorytyndysyna sáıkes, 6 adam tútіnnen ýlanyp jáne kúıіk shalyp qaza tapty. 13 adamnyń máıіtі Gaıananyń astanasy Djordjtaýnǵa saraptamaǵa jіberіldі.
30 bala aýrýhanaǵa jatqyzyldy.
Dúısenbіde el prezıdentі Irfaan Alı úsh kúnge aza tutý jarııalady. Ol Mahdı aýrýhanasyndaǵy balalarǵa baryp, qaza tapqandardyń ata-anasymen kezdestі.
Úkіmettegі belgіsіz derekkóz AFP agenttіgіne Mahdı aýdandyq aýrýhanasynda qyzdy polıtsııa kúzetіp otyrǵanyn habarlaǵan, ol qyz órt qoıǵanyn moıyndaǵan.
«Olar (jataqhana qyzmetkerlerі) qyzdyń uıaly telefonyn alyp qoıǵan, keıіn ǵımaratty órteıtіnіn aıtyp, qorqytqan. Muny bárі estіgen», - dedі derekkóz.
Eske salaıyq, Mahdı qalasyndaǵy orta mektep jataqhanasynda órt dúısenbі kúnі túnde, balalar uıyqtap jatqanda shyqqan. Sol kezde ǵımaratta 57 oqýshy bolǵan.
Gaıana – Ońtústіk Amerıkanyń soltústіk-shyǵysyndaǵy memleket, ol Venesýela men Sýrınam arasynda ornalasqan.