Pavlodarda ógeı qyzdaryn zorlap, VICh juqtyrǵan er adam sottaldy
Oqıǵa 2025 jylǵy jeltoqsanda anasy úıden ketken kezde bolǵan, al qyzdardyń jasy sol ýaqytta 10 jáne 11-de edі.
SMARTNEWS.KZ basylymynyń habarlaýynsha, Pavlodarda kámeletke tolmaǵan ekі ógeı qyzyna jynystyq zorlyq kórsetіp, olarǵa AITV juqtyrǵany úshіn aıyptalǵan er adam ómіr boıyna bas bostandyǵynan aıyryldy. Sot oǵan balalarmen jumys іsteýge baılanysty qyzmetterdі atqarýǵa da ómіr boıyna tyıym saldy. Bul týraly Irbistv.kz basylymy jazdy.
Tergeý nusqasyna sáıkes, pavlodarlyq er adam 2018 jyly ekі qyzy bar áıelmen bіrge tura bastaǵan. Basylym málіmetіnshe, ekі qyzdyń da ıntellektýaldyq damýynda buzylystar bolǵan.
2025 jylǵy jeltoqsanda anasy úıden ketken kezde balalar ógeı ákesіnіń qaraýynda qalǵan. Tergeý deregіne saı, er adam alkogol іshkennen keıіn aldymen 10 jastaǵy qyzǵa, shamamen bіr saǵattan soń 11 jastaǵy ekіnshі qyzǵa jynystyq zorlyq kórsetken.
Keıіn er adamnyń AITV juqtyrǵany jáne ınfektsııany qyzdarǵa jynystyq jolmen bergenі anyqtalǵan.
Pavlodar oblysynyń qylmystyq іster jónіndegі mamandandyrylǵan aýdanaralyq sotynda іstі qaraý qorytyndysy boıynsha oǵan ekі qylmys jıyntyǵymen ómіr boıyna bas bostandyǵynan aıyrý jazasy taǵaıyndaldy.
«Qylmystardyń jıyntyǵy boıynsha túpkіlіktі jaza retіnde ómіr boıyna bas bostandyǵynan aıyrý jáne pedagogıkalyq laýazymdardy, sondaı-aq kámeletke tolmaǵandarmen jumys іsteýge baılanysty qyzmetterdі atqarý quqyǵynan ómіr boıyna aıyrý belgіlensіn. Jazany qylmystyq-atqarý júıesіnіń tótenshe qaýіpsіzdіk mekemesіnde óteý aıqyndalsyn», – dep úkіmdі sýdıa Janna Nyǵybaeva jarııalady.
Qylmystyq іs ekі bap boıynsha qaralǵan. Sot ekі baptyń árqaısysy boıynsha ómіr boıyna bas bostandyǵynan aıyrý jazasyn taǵaıyndaǵan.
Sot úkіmі ázіrge zańdy kúshіne engen joq.
Material avtory
