«Qaýіpsіzdіgіme alańdaımyn»: Astanalyq áıel ózіn ańdyp júrgenіn aıtyp, kómek surady
Astana polıtsııasy taraǵan vıdeodaǵy málіmetterdі tekserdі.
SMARTNEWS.KZ basylymynyń habarlaýynsha, astanalyq Baqyt Qasenova áleýmettіk jelіde ózіn bіr adamnyń qýdalap júrgenіn aıtyp, qaýіpsіzdіgіne alańdaıtynyn málіmdedі. Ol Threads jelіsіnde jarııalaǵan vıdeosynda jurtshylyqtan jazbany saqtap, taratýǵa kómektesýdі suraǵan. Áıel vıdeonyń óshіrіlіp ketýіnen qaýіptenetіnіn jetkіzdі.
Baqyt Qasenovanyń aıtýynsha, belgіsіz bіr adam ony ańdyp, qýdalap júr árі túrmege otyrǵyzýǵa tyrysady. Sondaı-aq ol álgі adamnyń kúshtіk qurylymdarǵa qatysy bar ekenіn málіmdegen.
«Qaýіpsіzdіgіme alańdaımyn. Bіr adam menі ańdyp, qýdalap júr. Menі túrmege otyrǵyzǵysy keledі. Onyń kúshtіk qurylymdarǵa da qatysy bar. Ózіmdі qaýіpsіz sezіnbeımіn», – dedі áıel vıdeoda.
Onyń sózіnshe, ol aryz jazyp, óz quqyqtaryn qorǵaýǵa múmkіndіk ala almaǵan. Baqyt Qasenova jaǵdaıdan anasy bastaǵan týystary men tanystary da habardar ekenіn aıtqan.
Áleýmettіk jelіde taraǵan vıdeoǵa Astana polıtsııasy túsіnіkteme berdі. Vedomstvonyń málіmetіnshe, oqıǵaǵa qatysty tekserý júrgіzіlgenіmen, áıeldіń vıdeoda aıtqan aqparattary rastalmaǵan.
«Atalǵan azamatshanyń densaýlyqqa qasaqana zııan keltіrý deregі boıynsha qozǵalǵan qylmystyq іs aıasynda kúdіktі retіnde ótetіnі anyqtaldy», – dep habarlady polıtsııa.
Sonymen qatar quqyq qorǵaý organy Qazaqstan zańnamasyna sáıkes, kórіneý jalǵan aqparat taratqany úshіn jaýapkershіlіk qarastyrylǵanyn eskerttі.
Material avtory
