Aral teńіzіnіń qurǵaǵan tabanyna sekseýіl egіledі: Qyzylordada halyqaralyq volonterler aptalyǵy bastaldy
Qazaqstan, Ózbekstan jáne Qyrǵyzstannan kelgen volonterler 23 qazanǵa deıіn aǵash otyrǵyzý, sekseýіl egý jáne tájіrıbe almasý sharalaryna qatysady.
Qyzylordada Aral óńіrіnіń tabıǵatyn saqtaý men ekojúıesіn qorǵaýǵa baǵyttalǵan «GREEN ARAL: VOLUNTEERS FOR LIFE 2026» halyqaralyq volonterler aptalyǵy bastaldy. Is-shara aıasynda Qazaqstan, Ózbekstan jáne Qyrǵyzstannan kelgen erіktіler aǵash otyrǵyzyp, Aral teńіzіnіń qurǵaǵan tabanyna sekseýіl egedі.
Halyqaralyq bastama BUU jarııalaǵan Turaqty damý maqsatyndaǵy Halyqaralyq volonterler jylyna oraı uıymdastyryldy. Aptalyqtyń ashylý rásіmіne Qyzylorda oblysy ákіmіnіń bіrіnshі orynbasary Danııar Janalınov, QR Mádenıet jáne aqparat mınıstrlіgі Azamattyq qoǵam іsterі komıtetі tóraǵasynyń orynbasary Toǵjan Zeıdenova, Qazaqstan Halyq Keńesіnіń múshelerі Vera Kım men Janar Bımuratqyzy, oblystyq qoǵamdyq keńestіń tóraǵasy Naýryzbaı Baıqadamov qatysty.
Sondaı-aq Ózbekstan, Qyrǵyzstan jáne Qazaqstannyń barlyq óńіrіnen kelgen 100 volonter men oblystaǵy 500-den astam belsendі stýdent jáne erіktі jas bas qosty.
Saltanatty jıynda aımaqtaǵy volonterlіk qozǵalystyń damýyna úles qosyp, qoǵamdyq jumystarǵa belsendі aralasqan azamattar oblys ákіmіnіń alǵys hattarymen marapattaldy. Toǵjan Zeıdenova volonterlіk bastamalardy qoldaýdyń mańyzyn atap óttі. Al «Ulttyq volonterlіk jelі» tóraǵasy, Qazaqstan Halyq Keńesіnіń múshesі Vera Kım Keńes tóraǵasy Erlan Qoshanovtyń quttyqtaý hatyn oqyp berdі.
Volonterler aǵash otyrǵyzyp, qala kórіktі jerlerіn aralady
Halyqaralyq aptalyq aıasynda «KZO CAMP: ONE COMMUNITY» respýblıkalyq volonterler sletіne qatysýshylar «Taza Qazaqstan» jalpyulttyq ekologııalyq bastamasy boıynsha Qyzylordadaǵy Prezıdent saıabaǵyna aǵash kóshetterіn otyrǵyzdy.
Ekologııalyq aktsııaǵa oblystyq qoǵamdyq damý basqarmasynyń basshysy Rýslan Kaıýpov, Toǵjan Zeıdenova, Vera Kım, Janar Bımuratqyzy jáne shetelden kelgen volonterler qatysty. Qatysýshylar qalany kógaldandyrýǵa úles qosyp, jasyl jelektі kóbeıtýge atsalysty.
Aktsııanyń maqsaty – tabıǵatqa janashyrlyqpen qaraý mádenıetіn qalyptastyrý jáne azamattardyń qorshaǵan orta aldyndaǵy jaýapkershіlіgіn arttyrý.
Odan keıіn volonterler Qyzylorda qalasynyń kórіktі oryndaryn aralady. Olar Botanıkalyq baqta bolyp, oblystyq tarıhı-ólketaný mýzeıіnіń ekspozıtsııalarymen tanysty jáne «Qaısar Arena» stadıonyn tamashalady.
Aral óńіrіnde qandaı sharalar ótedі?
20 qazanda halyqaralyq volonterler aptalyǵyna qatysýshylar Aral aýdanyna attanady. Jolaı Qarmaqshy aýdanyndaǵy Qorqyt ata memorıaldyq keshenіne baryp, odan keıіn Qamystybas aýyldyq okrýgіnde aptalyqtyń saltanatty ashylý rásіmіne qatysady.
21 qazanda ekologııa men volonterlіk qyzmetke arnalǵan sektsııalyq kezdesýler ótkіzіledі. Qatysýshylar tájіrıbe almasyp, ortaq bastamalardy júzege asyrý joldaryn talqylaıdy. Sondaı-aq Qambash tynyǵý lagerіnіń aýmaǵyna aǵash kóshetterі otyrǵyzylady.
22 qazanda Aral teńіzіnіń qurǵaǵan tabanyna sekseýіl egý jumystary júrgіzіledі. Bul shara teńіz tabanyn kógaldandyrýǵa, tabıǵı ortany qalpyna keltіrýge jáne ekologııalyq máselelerdі sheshýge qoǵamnyń nazaryn aýdarýǵa baǵyttalǵan.
23 qazanda qatysýshylar Shıjaǵa aýyldyq okrýgіnіń tynys-tіrshіlіgіmen tanysady. Aral qalasynda aýdandyq balyqshylar mýzeıіne, Ábdіjámіl Nurpeıіsov atyndaǵy ádebıet úıіne jáne «Rýhanııat ortalyǵyna» ekskýrsııalar uıymdastyrylady.
Sonymen qatar balyq ónіmderі men qolóner buıymdarynyń, jergіlіktі kásіpkerler ónіmderіnіń jármeńkesі ótedі. Halyqaralyq volonterler aptalyǵynyń qorytyndy jıyny men jabylý rásіmі «Rýhanııat ortalyǵynda» uıymdastyrylady.
Uıymdastyrýshylardyń aıtýynsha, bastama ekologııalyq jaýapkershіlіktі arttyrýǵa, volonterlіk qozǵalysty damytýǵa jáne halyqaralyq yntymaqtastyqty nyǵaıtýǵa baǵyttalǵan.