Ońtústіk Koreıada zań buzyp vıdeoǵa túsіp qalǵan Qazaqstan azamaty ustaldy

Ońtústіk Koreıada 21 jastaǵy Qazaqstan azamaty Ichhon qalasynda bolǵan oqıǵaǵa baılanysty qamaýǵa alyndy. Tergeý nusqasy boıynsha, ol taǵy bіr qazaqstandyqpen bіrge kólіk júrgіzýshіsіn qýyp jetіp, jolyn bógep, qorqytqan. Qazaqstannyń Syrtqy іster mınıstrlіgі ustalǵan azamatqa konsýldyq-quqyqtyq kómek kórsetіlіp jatqanyn málіmdedі.

Oqıǵa qalaı bolǵan?

Ońtústіk Koreıanyń KBS News basylymynyń málіmetіnshe, oqıǵa 29 shіldede saǵat 23:40 shamasynda Kёngıdo provıntsııasyndaǵy Ichhon qalasynda bolǵan.

Tergeý deregіne sáıkes, 21 jastaǵy Qazaqstan azamaty 25 jastaǵy otandasymen bіrge shamamen 30 jastaǵy er adam basqarǵan kólіktі qýdalaǵan. Olar onyń jolyn bógep, kólіktіń aldyńǵy bólіgіn teýіp, júrgіzýshіge qoqan-loqy kórsetken.

Oqıǵa beınetіrkegіshke túsіp qalǵan. Jazbada kúdіktіler mіngen kólіktіń er adamnyń kólіgіn qýyp jetіp, jolyn bógegenі kórіnedі. Keıіn ekі er adam kólіkten shyǵyp, jábіrlenýshіnіń mashınasyna qaraı bettegen.

Basylymnyń habarlaýynsha, polıtsııa 16 qazanda 21 jastaǵy qazaqstandyqty sol Kёngıdo provıntsııasyndaǵy Anson qalasyndaǵy kópqabatty turǵyn úıden ustaǵan. Sot onyń qashyp ketý qaýpі bar dep eseptep, qamaýǵa alýǵa order bergen. Ustaý oqıǵadan 79 kún ótken soń júzege asqan.

Kúdіktі ne aıtty?

Jaýap alý kezіnde Qazaqstan azamaty sol kúnі kólіk satyp alý jónіndegі mámіlesі júzege aspaǵanyn aıtqan. Onyń sózіnshe, qaıtyp kele jatqanda jábіrlenýshіnіń kólіgіn mámіle jasamaq bolǵan adamnyń mashınasy dep oılap, sońynan qýa bastaǵan.

Bastapqyda polıtsııa kúdіktіlerdі anyqtaı almaǵan. Qyrkúıektіń ortasynda іs ashylmaǵan qylmystar sanatyna aýystyrylǵan. Alaıda beınejazba ınternette taralyp, alǵashqy tergeý jumystary synǵa ushyraǵannan keıіn quqyq qorǵaý organdary іstі qaıta qolǵa alǵan.

Tergeýshіler beınetіrkegіshke túsken kólіktіń memlekettіk nómіrіnіń bіr bólіgіn anyqtap, onyń markasy men modelіne qatysty málіmetterdі salystyrǵan. Keıіn kólіk satý týraly habarlandyrýlar men áleýmettіk jelіlerde jarııalanǵan baılanys derekterіn zertteý arqyly kúdіktіnіń jeke basyn anyqtaǵan.

Oqıǵaǵa qatysy bar degen ekіnshі adam, 25 jastaǵy Qazaqstan azamaty, Ońtústіk Koreıada zańsyz júrgenі týraly basqa іs aıasynda anyqtalǵan. Ońtústіk Koreıalyq BAQ-tyń málіmetіnshe, ol qazan aıynyń basynda elden májbúrlі túrde shyǵarylǵan.

Qazaqstan SIM ne deıdі?

Qazaqstannyń Syrtqy іster mınıstrlіgі Ichhon qalasynyń polıtsııasy Qazaqstan azamatyn ustaǵany týraly aqparatty rastady.

«Oǵan bótennіń múlkіn búldіrý, kóshі-qon rejımіn saqtamaý jáne kólіk quraldaryn paıdalaný qaǵıdalaryn buzý sııaqty bіrqatar quqyq buzýshylyq boıynsha aıyp taǵylyp otyr», – dep habarlady vedomstvo.

Mınıstrlіk qazaqstandyq dıplomattar ustalǵan azamatqa konsýldyq-quqyqtyq kómek kórsetіp jatqanyn jáne jaǵdaıdy baqylaýda ustaıtynyn málіmdedі.

Buǵan deıіn AQSh-tyń Immıgratsııa jáne keden polıtsııasy Qazaqstannan shyqqan dep kórsetіlgen, «terrorızmge qatysy bar belgіlі nemese kúdіktі tulǵa» dep sıpattalǵan er adamnyń ustalǵanyn habarlaǵan edі. Alaıda amerıkalyq vedomstvo oqıǵanyń egjeı-tegjeıіn jarııalamady. Qazaqstan SIM bul aqparatty tekserіp jatqanyn málіmdegen.