RUS
«Elde áleýmettіk muqtaj otbasylardy baspanamen qamtamasyz etý jónіndegі baǵdarlamalardyń bar ekenі belgіlі. Alaıda, olardy іske asyrý kóptegen sebep boıynsha qıyn ótedі. IAǵnı kezekte uzaq turý, onyń jyldar boıy jyljymaýy, qarjylandyrýdyń shektelýіne, salynyp jatqan turǵyn úıdіń jetіspeýіne qatysty máseleler bar», - dedі G.Tanasheva Úkіmet basshysy Álıhan Smaıylovtyń atyna joldaǵan saýalynda.
Onyń aıtýynsha, «Baqytty otbasy» baǵdarlamasy boıynsha 2019 jyldan 2022 jyl aralyǵynda 14 938 nesıe, «Shańyraq» baǵdarlamasy aıasynda 2020 jyldan 2022 jyl aralyǵynda 19 394 nesıe berіlgen. Elіmіzde halyq sanynyń qarqyndy ósýі jaǵdaıynda nesıe bólýdіń bul kórsetkіshterі óte tómen.
«2023 jylǵa «Baqytty otbasy» baǵdarlamasyna 3176 ótіnіshke, «Shańyraq» baǵdarlamasyna 3610 ótіnіshke 71,9 mlrd teńge bólіndі. Bul baspana kezegіnde turǵan 415 700 adamnyń bıyl tek 6 786 ótіnіshі maquldanady degen sóz. Bul tek 1,6 paıyzyn ǵana qurap otyr. Halyqtyń áleýmettіk osal sanattaryn tıіstі baspanamen qamtamasyz etý úshіn qoldanystaǵy ıpotekalyq baǵdarlamalardy qaıta qaraý qajet», - dedі depýtat.
Onyń sózіne qaraǵanda, «Baqytty otbasy» jáne «Shańyraq» baǵdarlamalary boıynsha bastapqy jarnany mіndettі sharttardan alyp tastaý kerek nemese úsh sanatqa (kópbalaly, tolyq emes otbasylarǵa, múmkіndіgі shekteýlі balalardy tárbıelep otyrǵan otbasylarǵa) turǵyn úı sertıfıkatyn berýdі qamtamasyz etý qajet. Bastapqy jarnany tólemeı, baspana alýdyń balamaly tetіkterіn engіzýdі qarastyrý mańyzdy.
«Baqytty otbasy» baǵdarlamasyna tolyq emes otbasylardy qosý kerek. Ipotekalyq nesıe berý sharttaryn qaıta qarap, atalǵan sanattaǵy otbasylar úshіn tıіstі jaǵdaı jasaý mańyzdy», - dedі G. Tanasheva.