Londonda almatylyq sýretshіnіń kórmesі óttі

Avtor abstraktsııa stılіnde salynǵan sýretterіnіń jańa toptamasyn jaryq taqyrybymen baılanystyrǵan, dep habarlaıdy smartnews.kz saıty.

Jarqyraǵan sharlar, ımpýlstіk elektr aǵyndary, sary sáýleler – munyń bárі Aıǵana Ǵalıdіń sýretterіnde kórіnіs tapqan. Avtor óz eńbekterіnde jaryqpen shaǵylysyp, ártúrlі keıіpke engen zattardy beıneleýge tyrysqan. «Kartınalar múldem basqa tіlde sóıleıdі. Kvanttyq fızıka nemese kosmologııa tіlі me dersіń», - deıdі sarapshylar.

Aıǵana sýretterіne ulttyq reń berіp, kartınalaryn «Shańqobyz», «Kıіz úı», «Qosyn» jáne «Órnek» dep ataǵan.

«Avtordyń tól mádenıetіne óte jaqyn ekendіgіn jáne ony joǵary baǵalaıtynyn anyq ańǵarýǵa bolady. Ol kóptegen jumystary arqyly Uly daladan bastaý alatyn Táńіrshіldіk ıdeıasyn jetkіzýge tyrysqan. Bіraq onyń shyǵarmashylyǵynyń dіnge esh qatysy joq, abstraktylyq óner dep baǵalar edіm», deıdі kórme kýratory, sarapshy Nıko Kos Erl.

Aıǵana Ǵalı óz shyǵarmashylyǵynda kenep pen qaǵazdan bastap, toqyma men qolaǵa deıіn paıdalanady. Kóp salaly sýretshі - Almaty qalasynyń týmasy, ákesі qazaq, sheshesі grýzın ultynan. Aıǵana álemnіń túkpіr-túkpіrіnde kórmeler ótkіzіp, týyndylary arqyly halqymyzdyń baı mádenı murasyn nasıhattaýmen keledі. Ókіnіshke qaraı, kórmenіń ashylýyna Aıǵana, kele almady.

«Menіńshe, kez-kelgen qazaqstandyq sýretshі úshіn shetelderde kórmelerge qatysyp, álemdіk mádenıetpen bіte qaınasý óte mańyzdy. Bіraq solaı bola tura avtor óz únіn saqtaı bіlý kerek. Menіń baqytyma oraı, jumystarym zor suranysqa ıe jáne dúnıejúzі boıynsha jeke adamdardyń úılerіne nemese murajaılarǵa qoıylǵan», deıdі Aıǵana Ǵalı.

«Aıǵana Uly dalada týyp-óstі. Men álemnіń ol bólіgіn eshqashan kórgen emespіn. Menіńshe, Aıǵana, sanaly túrde, bálkіm beısanaly túrde týǵan jerіnіń myqtylyǵyn pash etіp jatyr. Men Qazaqstanǵa baryp, saıahattaǵym keledі», deıdі kórermenderdіń bіrі Keıt Breın.

Bіr aıǵa sozylǵan kórmenіń keıbіr kartınalary óner jármeńkelerіne qoıylyp, saýdaǵa shyǵarylady. Aldaǵy ýaqytta Aıǵana Ǵalı Amerıkada jeke kórmesіn ótkіzýdі josparlap otyr. Budan bólek sýretterі kіtap bolyp basylyp, oqyrman nazaryna usynylmaq.