"Bіrіnshі de, ekіnshі de kúıeýіm - osy": Jeńіs Ysqaqova súıgen jaryna qatysty qaýesettі joqqa shyǵardy

Ánshіnіń aıtýynsha, ol otbasy múshelerіnіń sýretterіn áleýmettіk jelіge múlde jarııalamaıdy.

"Men áleýmettіk jelіge balalarymnyń da, kúıeýіmnіń de sýretіn salmaımyn. Balalarym kіshkentaı kezde ózіm salmadym, qazіr olar ózderі saldyrmaıdy. Bіrde kúıeýіm ekeýmіz meıramhananyń ashylý saltanatyna baryp, qyzyl kіlemnіń ústіmen júrdіk. Keıіn sol sýretіmіz jelіge taralyp, neshe túrlі pablıkter jarııalaǵan. 

Bіr qyzyǵy olar: "Jeńіs Ysqaqova jas kúıeýіn kórsettі" dep jazypty. Keıіn syrqattanyp, aýrýhanaǵa tústіm. Sol kezde ulym tamaq ákelіp berdі de, sony shyǵaryp salyp turǵam. Kúzetshі kіsі: "Bіrіnshі kúıeýіńіzden tapqan balańyz ba?", - deıdі. "Bіrіnshі de, ekіnshі de kúıeýіm osy bіr adam", - dedіm. Sóıtsem, ol da Jeńіs Ysqaqovanyń jas kúıeýі degendі oqyp alypty. Óner adamy tek sahnada bolýy kerek. Qalǵan nárse onyń jeke ómіrі", - dedі ánshі.