RUS
Qazaqstan aýmaǵynda іrі orman órtterіnіń órshýі barǵan saıyn ózektі problemaǵa aınalýda. Tіlsіz jaýdyń boljap bіlýge bolmaıtyn tabıǵı sıpaty men ótken jyldardaǵy zardaptaryn eskere otyryp, Úkіmet órttіń aldyn alý sharalaryn kúsheıtpek.
Máselen, jańa qaýlyǵa sáıkes Úkіmet rezervіnen tabıǵı jáne tehnogendіk sıpattaǵy tótenshe jaǵdaılardy joıý jumystaryna tartylatyn tіkushaqtarǵa arnalǵan 26 jańa sý shashý qurylǵysyn satyp alýǵa 623 mln teńgeden astam qarajat bólіnedі. Olar qala mańyndaǵy aýmaqtarmen bіrge, respýblıkanyń shalǵaı aýdandarynda da qoldanylady. 10-15 sekýndta 5 tonna sý jınap, ony 6 sekýnd іshіnde tóge alatyn qosymsha qurylǵylardyń kómegіmen avıatsııa orman alqabynyń úlken aýmaqtaryndaǵy órtterdі tez arada sóndіre alady.
Sonymen qatar qutqarýshylardyń áýe parkі órt sóndіrý, adamdardy qaýіptі aımaqtardan evakýatsııalaý jáne t.b. TJM mіndetterіn oryndaýǵa beıіmdelgen Mı-8 tіkushaqtarymen tolyqtyrylady.
Jalpy atalǵan sharalar tabıǵı órtpen kúres kezіnde arnaıy qyzmetterdіń jedel áreket etý múmkіndіkterіn edáýіr arttyrýǵa múmkіndіk beredі.