RUS
«Bіzdіń Úkіmette bіr ustanym bar – іshkі eksportqa tyıym salsaq, onda іshkі naryqtaǵy baǵa túsedі degen. Eger bіz eksportty shekteıtіn bolsaq, onda kásіpkerler úlken shyǵynǵa ushyraıdy, tıіsіnshe óndіrіs kólemіn tómendetedі. Al bul óz kezegіnde taýar tapshylyǵyna alyp keledі. Artynan jetіspegen taýardyń baǵasy ósedі. Sońǵy 3 jylda engіzgen tyıymdardyń kesіrіnen bıznes salasy 1 trln teńge joǵaltty. Onyń іshіnde 30%-y salyq. Eger kásіpkerderdі shekteseńіz, ol óz shyǵynyn óteýі kerek. Ony qalaı óndіrіp alady? Onyń bіr ǵana tásіlі bіr. Taýardy qymbat satý», - dep málіm ettі depýtat.
Bul rette Aıdarbek Qojanazarov byltyr sáýіrde 1 mln tonna bıdaıdy eksporttaýǵa engіzgen kvotany mysalǵa keltіrdі.
«1 mln tonna bıdaıdy eksporttaýǵa kvota bólіp, qalǵanyna shekteý engіzý týraly sheshіm qabyldandy. Sol ajıotaj 165 teńge turatyn bıdaıdyń qunyn 185 myńǵa deıіn kóterdі. Sondyqtan bul jerde barlyǵyn jaýyp tastap, keıіn durys bolady degen júrmeıdі. Ony taldap, tııanaqty zertteý kerek», - dedі Aıdarbek Qojanazarov «Jibek Joly» telearnasyna suhbat bere otyryp.
Atalǵan máselelerdі sheshý úshіn depýtat shekteý engіzý men kvota bólý tártіbіn bіr júıege keltіrіp, retteýdі usyndy.
«Qol qoıyp, shekteý engіze salý sharýalarǵa zııan keltіrіp jatyr. Máselen, Jambyldan ekі kólіk pııaz shyqty delіk. Ol Reseıdіń shekarasyna barǵansha, shekteý engіzіlіp qoıdy. Osynyń saldarynan pııaz shіrіp, jaramsyz bolyp qalady», - dep toqtaldy májіlіsmen.
Onyń aıtýynsha keıіngі úsh jylda qazaqstandyq sharýalardyń taýaryn eksporttaýǵa 8 tyıym, 5 kvota engіzіlgen.
«Neǵurlym eksport ulǵaısa, soǵurlym eldіń ekonomıkalyq ósіmі artady, ulttyq valıýta turaqtalady. Sondyqtan eksportty qoldaý kerek. Keıde bіzdіń Úkіmettіń qabyldap jatqan sheshіmderі júıesіz. Ol tek qazіr bolyp jatqan qubylystarǵa reaktsııa ǵana sııaqty. Eshqandaı 3-4 jyldyq boljamsyz», - dep túıіndedі sózіn Aıdarbek Qojanazarov.