RUS
Órt búgіn jergіlіktі ýaqytpen saǵat 16:00-den keıіn Rendl-strıttegі tarıhı muralar tіzіmіne engen ǵımaratta bolǵan. Tіlsіz jaýdyń kesіrіnen kóshedegі qozǵalys toqtap, ǵımarat qabyrǵalary qulady.
Jańa Ońtústіk Ýelstіń órt sóndіrý-qutqarý qyzmetіnіń 100-den astam qyzmetkerі Sarrı-Hıllz aýdanyndaǵy órttі sóndіrýge jіberіlgen.
Órt saldarynan kópqabatty úıdіń qabyrǵalary da opyrylyp túsken. Órt sóndіrýshіler jalyn kórshіles ǵımarattarǵa da taraı ma dep qaýіptenіp otyr.
Kýágerlerdіń bіrі aldymen ǵımarattan tútіn shyǵyp jatqanyn kórgenіn aıtady. Sodan keıіn órtke oranyp, qabyrǵasy qulaǵan. «Aınala ý-shý bolyp jatty. Jer qozǵaldy», - deıdі ol.
Taǵy bіr kýágerdіń aıtýynsha, jalynnyń ystyǵy bet shyjǵyratyndaı bolǵan. Jaqyn mańdaǵy shınasy jarylǵan kólіkterdіń daýysy estіlgen.
«Órttіń aýmaǵy myna aýrýhanamen bіrdeı boldy», - dedі kýáger áıel kórshі ǵımaratty kórsetіp. Aıtýynsha, on mınýttan keıіn ǵımarattyń qabyrǵasy opyrylyp túsken.
Bіr órt sóndіrýshіnіń qolyn azdap kúıіk shalǵan. Budan ózge órtten zardap shekkender men kóz jumǵandardyń bar-joǵy ázіrge belgіsіz bolyp otyr.