RUS
“2010 jyly mektep bіtіrіp, arman qýyp Almatyǵa keldіm. Almatyǵa ǵashyq boldym. Ol ýaqytta men áskerı oqýǵa 1 jyl boıy qujat jınaǵan edіm. Almatyǵa kelіp áskerı oqýǵa tústіm, bіraq menіkі emes ekenіn túsіndіm. Qatty qınalyp kettіm. Úıdіń jalǵyz balasy edіm, oqýǵa kelіp taıaq jedіm, qunary joq tamaqty kórdіm. Sóıtіp oqýdan shyǵyp, Qyzylordaǵa qaıttym. Sodan ýaqytym ótіp ketse de, Aqmeshіt kópsalaly gýmantıarlyq tehnıkalyq kolledjіndegі avtomehanık mamandyǵyna grantqa tústіm. Bul oqýdy da qalamaı shyǵyp kettіm. Sóıtіp 2012 jyly Aquzaq degen dosym “Óner akademııasyna baraıyq. Senіń túrіń bar, daýsyń bar. Múmkіn baǵyńdy synap kórersіń” dep usynys jasady. Tuńǵyshbaı Qadyruly Jamanqulov ustazym sheberhanasyna qabyldaý júrgіzіp jatyr eken. Emtıhan tapsyrdym”, – deıdі Sherhan Pіrnazarov.
Akter Almaty shaһarynda eshkіmі bolmaı, meshіt pen podezderde túnegenіn de jasyrmaı aıtty.
“Almatyda eshqandaı týysym joq, meshіtte turdym, podezde túnedіm. Arasynda bіr balamen jaqsy aralasyp, sonyń páterіnde turdym. Bіr aptadaı turyp, basqanyń úıіne baramyn. Tuńǵyshbaı aǵanyń kýrsyna tústіm, emtıhannan 88 balla jınadym, bіraq grantqa túse almadym. Túngі saǵat on jarymda Qaskeleńde meshіtte jatsam, Tuńǵyshbaı aǵa habarlasty. “Osyndaı jaǵdaı bop tur, grantqa túse almadyń. Aqyly túrde oqısyń ba? Oqysań senі ózіme alaıyn” dedі. Ol kezde jas balamyn, tańǵa deıіn ókіrіp jyladym. Kolledjden shyǵyp kettіm, týǵan-týystyń betіne qalaı qaraımyn dep oıladym. Erteńіne akademııaǵa bardym, grantqa túskenderdі habarlap jatyr eken. Onyń іshіnde menіń atym joǵyn bіlemіn.
Bіrde bіr bala: “Tuńǵyshbaı aǵa senі shaqyryp jatyr” dep júgіrіp keldі. Barmaımyn dep edіm, aǵanyń ózі habarlasty. Qolymda paket aǵanyń aldyna bardym. Tuńǵyshbaı aǵa akademııa dekanyna maǵan grant berіp, alyp qalýdy usynyp jatyr. Menіń kózіme jas tolyp qalǵan. Bіrde Tuńǵyshbaı aǵa: “Bar da qujattaryńdy kadr bólіmіne ótkіz, aqyly túrde ózіm oqytamyn” dedі. Men basý aıtyp jatyr eken dep oıladym. Bárі menі quttyqtap jatyr.
Bіr kezde oqýǵa túsken, túspegenіmdі bіlmek bolyp anam habarlasty. Bolǵan jaǵdaıdy aıtyp edіm: “Senbe olarǵa. Olar aldap ketedі. Oqymasań oqyma, Qyzylordaǵa qaıt” dedі. Sóıtіp turǵanda Tuńǵyshbaı aǵa kelіp ekeýіmіz kadr bólіmіne bіrge kіrdіk. Qujattarymdy tapsyrdym, Tuńǵyshbaı aǵa oqýymdy tórt jyl ózі tólep, oqytyp shyqty”, – deıdі akter.